Acta Apostolicae Sedis - Commentarium Officiale592

Hanc ob sanctitatis famam, dispensatione a tempore quinque annorum

exspectationis post mortem a Summo Pontifice Benedicto XVI concessa, a

die 28 mensis Iunii anno 2005 ad diem 2 mensis Aprilis anno 2007 apud

Vicariatum Almae Urbis Causa Beatificationis et Canonizationis instructa

est per celebrationem Inquisitionis dioecesanae principalis. Duae Inquisitio-

nes Rogatoriales peractae sunt, scilicet Cracoviae a die 4 mensis Novembris

anno 2005 ad diem 1 mensis Aprilis anno 2006 et Novi Eboraci a die 31

mensis Iulii ad diem 15 mensis Augusti anno 2006, quarum auctoritas et

vis iuridica a Congregatione de Causis Sanctorum per Decretum diei 4 mensis

Maii anno 2007 probatae sunt. Positione confecta, iuxta suetum morem, in

Congressu Peculiari Consultorum Theologorum, duplici habita sessione die 13

mensis Maii et die 30 mensis Iunii anno 2009, prospero cum exitu discepta-

tum est an Servus Dei more heroum virtutes christianas exercuisset.

Patres Cardinales et Episcopi in Sessione Ordinaria diei 16 mensis

Novembris anno 2010, audita relatione Excellentissimi ac Reverendissimi

Domini Salvatoris Fisichella, Archiepiscopi titularis Vicohabentini, Causae

Ponentis, professi sunt Servum Dei virtutes theologales, cardinales iisque

adnexas heroum in modum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Ioannis

Pauli II (Caroli Wojtyła), Summi Pontificis, in casu et ad effectum de quo

agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B.

Archiep. tit. Silensis, Praefectus

L. e S.

e Michaël Di Ruberto

Archiep. tit. Biccarensis, a Secretis