20. Aimericus Picaudi, presbyter de Partiniaco.

1. Ad honorem regis summi,

qui condidit omnia,
Venerantes jubilemus

Jacobi magnalia,
De quo gaudent coeli cives

in superna curia,
Cujus facta gloriosa

meminit ecclesia.

2. Supra marc Gallilaeae

omnia postposuit,
Viso rege ad mundana

redire non voluit,
Sed post illum se vocantem

Pergere disposuit
Et praecepta ejus sacra

Praedicare studuit.

3. Hermogeni et Phileto

Christi fidem tribuit,
Et Josiam baptizavit

et vim aegro praebuit,
Olim Jesum transformatum

vidit patris lumine,
Pro quo mortem ab Herode

sumpsit fuso sanguine.

4. Cujus corpus sepelitur

in terra Gallaeciae,
Et petentes illud digne

sumunt vitam gloriae,
Jam per totum fulget mundum

divinis miraculis,
Qui viginti viros olim

solvit ab ergastulis.

5. Schedulaque peccatoris

deleta apparuit,
Matris natum jam defunctum

ad vitam restituit,
Hic defunctum urbi suae

a Cisera detulit,
Quem bis senas per dietas

una nocte contulit.

6. Hic suspensum post triginta

dies vitae reddidit,
Peregrino Pictavensi

asinumque tradidit
Et Frisonem ferro tectum

de abysso eruit,
Praesulemque mari mersum

in navi instituit.

7. Vim vincendi Tarcos viro

apostolus tribuit,
Peregrinum mari lapsum

per virtutem tenuit,
De excelsa arce saltans

vir sanus ereptas est,
Per crussillae tactum miles

saluti redditus est.
8. Sanitati post vindictam

Dalmatius datus est,
A prostrata arce sane

mercator egressus est,
Militemque custodivit

a suis sequentibus,
Liberavit virum aegrum,

pressum a daemonibus.

9. Interfectum a se ipso

ad vitam restituit
Et altaris valvas clausas

comiti aperuit
Stepbanoque, servo Dei,

ut miles apparuit,
Virum captum comes spata

laedere non potuit.
10. Hic contractum membris
captum

erexit humiliter,
Vinculatum solvit virum

ter decies dulciter.
Haec sunt illa sacrosancta

divina miracula,
Quae ad decus Christi fecit

Jacobus per saecula.

11. Unde laudes regi regum

solvamus alacriter,
Cum quo laeti mereamur

vivere perenniter,
Fiat, amen, alleluja

dicamus solemniter
Et ultreja et sus eja

decantemus jugiter.