72. De sancta Barbara.

1. Vale, solidum

mundi sidus lucidum,
Barbara beata,
nobili genere orta.

:2 a. Rosa, gaude florida
speciali gratia,
pneumatis
dono rorante,
quae caeli
machina mirante
fidem es unius
Dei adepta.

2 b. Angelum per sic docta
animosa patria
idola

fide [con]terens,
conculcans

simulque spernens iram
es eiusdem dicti
consecuta.

3 a. Quae sciens Dioscorus
satagebat

illam perdere ; (haec) illaesa
per turrim
montis cacumine se
optabat recludere.

3 b. Qua vero inventa
per capillos
rapitur crudeliterque
sanguinis

fusionem flagellum
per acrum consequitur.

4 a. Captiva sedens
confortatur
per angelum ;
post haec vestibus nudata
ferreis iubetur uncis
confricando lacerari,

4b. Hinc [in] carcerem
sauciata
recluditur ;

per Christum est visitata
per eumque pristinae
sanitati solidata.

5 a. Lampadibus

post haec uritur;
abscissis mammis
caput contunditur
ferociter;
tunc eius cerebro
nares perfluente
videtur dolor maior
-addi prioribus Clamantes
virginis poenas
imis corde recolite.

5 b. Marcianus,

dum non proficit,
nudam iussit per
civitatem, omnes
per plateas
trahi flagellando,
illa exclamante:
"Domine Deus, tege
pudicitiam. Fave, virgo,
nos tuis sacris
meritis dignos effici.

6 a. His dictis

tecta ; dehinc frementer
est sententiata
per patrem-
que apprehensa fune
-sic miseranter dicta
sine pietate morti ;
cognoscens
orabat sic dicens:
O Iesu, rex bone,

6 b. Obsecro

devote, ut quicunque

mei recordatus

fuerit,

veram contritionem,

puram confessionem,

et [sancti] corporis tui

consequi

valeat effectum.

Post haec decollata.

7 a. Audi nos;

nam te diligens
sponsus multum honorat.

7 b. Salva nos,

Iesu, pro quibus
virgo martyr te orat.

8 a. Da per eius merita,
da per sua precamina
in te confidere,

8 b. Ut per tuam gratiam
[nos] aeterna mereamur
consequi gaudia.

9. Cuius prece sit deprecatus
item pater, item natus,
utriusque flamen,
unus aeternus Deus. Amen.