21. De Translatione s. Jacobi.

Lectiones secundum Leonem papam et magistrum

Panicham.

Lectio I.

1. Ut radius solis justitiae

Duodenae primus militiae

Primus habet campum victoriae,

Sortem primus sortitur gloriae.

2. Seditio regis saevitiam

Contra Christi movet ecclesiam,

Jacobusque transit ad gloriam

Per Herodis caesus sententiam.

3. Hunc ex septem surripiunt,

Corpus portant, Joppen perveniunt,

Ibi navem forte conspiciunt,

Navem intrant, corpus custodiunt.

Lectio II.

1. Navis sanctae subjecta sarcinae,

Acta sancto Dei regimine,

In extremis oris Hispaniae

Urbis portum contigit Iriae.

2. Prosperante die navigio

Psalmis, hymnis et vaticinio

Pleno lucis fors septenario

Quieverunt portu Petronio.

8. Res miranda, pro tanta gloria

Centrum solis per coeli spatia

Corpus sanctum levat ab Iria

ubi nunc est ecclesia.

Lectio III.

1. Bis rivata vocatur Iria,

Ripae Saris et Huliae via,

Seu de petra villa Petronia,

Seu de yri sit gratia.

2. At [hi] flentes septem discipuli

Se elongant per loca inbuli,

Postulantes secretum loculi,

Quo recondant corpus apostoli.

3. Bis sex ferme vel octo milibas

Mare distat a Saris fluctibus,

Unde Dei repertum nutibus

Corpus condunt piis affectibus.

Lectio IV.

1. Arcis marmoreis sepulto corpore

Dignis obsequiis, divino munere

Conspirant coelitus, draconem perdere

Ac pestem noxiam de monte tollere.

2. Crucis signum daemon non patitur

Et per ventrem divisus rumpitur,

Aqua sacra per montem spargitur,

Ex tunc sacer nunc usque dicitur.

Lectio V.

1. Et qui prius dictus Illieinus,

iniciens ad culpae facinus,

Jam sacratus ut sol et axinus

Multa fruge tondetur euxinus.

2. Vix ac boves inde pervenerant,

Cum jam boves virtutem senserant,

Perdunt, quidquid furoris gesserant,

Sua sponte ad juga properant.

Lectio VI.

1. Post haec Dei justa permissio

Manere tres vult pro collegio,

Regit suo misso navigio,

Leo papa sit testimonio.

2. Basilica superexstruitur,

Super tumbam altare ponitur,

Huc de toto mundo concurritur.

Hic ad preces cunctis succurritur.

3. Hic languentum adsunt remedia,

Peccatorum datur hic venia,

Christi fiunt hic mirabilia,

Christo semper sit [laus] et gloria.