Acta Apostolicae Sedis - Commentarium Officiale890

Quapropter, hoc Decreto, perinde valiturum ac si Apostolicae sub plumbo

Litterae datae forent, a dioecesi Bathurstensi in Canada distrahit et dioecesi

Sancti Ioannis Canadensis adnectit integrum territorium paroeciae «Ascen-

sionis » in urbe vulgo nuncupata « Beaverbrook », mutatis, hac ratione, utrius-

que ecclesiasticae circumscriptionis finibus.

Quamobrem documenta et acta praefati territorii clericos, fideles ac bona

temporalia respicientia a Curia Bathurstensi in Canada ad Curiam Sancti

Ioannis Canadensis transmittantur.

Ad haec perficienda, Congregatio pro Episcopis deputat Exc.mum P.D.

Aloisium Ventura, Archiepiscopum titularem Equiliensem et in Canada Apo-

stolicum Nuntium vel, ipso a sede absente, negotiorum Sanctae Sedis ibidem

gestorem, necessarias et opportunas eisdem tribuens facultates etiam subde-

legandi, ad effectum de quo agitur, quemlibet virum in ecclesiastica dignitate

constitutum, onere imposito ad eandem Congregationem, cum primum fas

erit, authenticum exemplar actus peractae exsecutionis remittendi.

Contrariis quibuslibet minime obstantibus.

Datum Romae, ex Aedibus Congregationis pro Episcopis, die 11 mensis

Novembris anno 2008.

e Ioannes Baptista card. Re Praefectus

e Franciscus Monterisi a Secretis

L. e S.

In Congr. pro Episcopis tab., n. 952/2008