73. De sancta Barbara.

1 a. Regi Christo iubilemur
Psallentesque veneremur
Barbaram cum gloria
In eius sollemnia,
Nostrae mentis gaudia,
Dulcique memoria
Eius sacra merita.

1b. Tu virginale lilium,
Vas virtutum omnium,
Rosa patientiae,
Dulcoris et gratiae,
Virgo prudens, electa,
Barbara speciosa,
Dei sapientia.

2 a. Christus Iesus, Dominus
Sponsusque dulcissimus,
Tibi dilectissimus,

Vere multum te amans,
In carcere te visitans,
Dulcibus verbis consolans,
Virtute sua confortans.

2 b. Salvatorem tu videns
Barbara, [et] congaudens

Eiusque praesentia
Sanantur tua vulneras
Dulcia [per] medicamina
Facta es exhilarata.

3 a. Adest dies gratiae,
In qua scandit caelica
Barbara, sponsa Salomonis,
Vere sidus lucens thronis.

3 b. O virgo clarissima,

Fulget plus quam sidera

Tua castimonia ;

Pro nobis prece sedula

4. Tuum funde subsidium
Apud Christum Dominum.