25. Oratio Magistri 6.

1. Adonai, rex regum Domine,
Alpha et w immenso lumine,
Deus nobis loquens in homine,
Acclamo te in tuo nomine.

2. Restaurans nos tu Dei filius,
Ut sim liber, justus, innoxius,
Dixisti, sic nos vere liberos,
Liberares si tu nos miseros.

3. Hinc et tuae libertas gloriae
Quam servitus tuae justitiae
Justificet me cras et hodie
Cum electis ad fontem veniae.

4. Tuis servis dixisti: petite,

Ut quaeramus, audimus: quaerite,
Ut pulsemus: pulsate, tertio
Nos invitat tua consultio.

5. Per aetatis divinum titulum

Visitasti quam nos quam saeculum
Solve mihi culparum vinculum,
Dignae frugis signans manipulum.

6. Post annos actos cum hominibus
Triginta tres cum tribus mensibus
Est tua mors mortis perpetuae
Destructio, rex summae gloriae.

7. Per horarum septem articulos.
Quibus ad te traxisti populos
Redimendo nos tuos servulos,
Aperias super me oculos.

8. Inde sola misericordia
Praeveniat me in miseria,
Ad te clamo per horas tridui
Quater decem, a te restitui.

9. Per tot dies postquam a mortuis
Portas vitae pandens innocuis
Surrexisti confractis inferis,
Ovem portans reduc in humeris.

10. Ad aetatis mensuram regiae
Nostrae surgit aetas militiae,
Ut vestiti salutis pallio
Salvi simus cum Dei filio.

11. Me creasti, pater, per filium,
Me recrea, salus fidelium,
Me instaura, sanctorum praemium,
Ut sit tribus unum tripudium.

12. Trahe post te me, patris unitas,
Justifica, gnati aequalitas,
Resuscites, amborum caritas,
Trium splendor, trina identitas.

MELODIEEN.

I.

AdminBookmark

II

AdminBookmark

m.

AdminBookmark

IV.

AdminBookmark

AdminBookmark

AdminBookmark

V.

AdminBookmark

AdminBookmark

VI.

AdminBookmark

VII.

AdminBookmark

VIII.

AdminBookmark

IX.

AdminBookmark

X.

AdminBookmark

AdminBookmark

XI.

AdminBookmark

XII.

AdminBookmark

XIII.

AdminBookmark

AdminBookmark

XIV.

AdminBookmark

AdminBookmark

AdminBookmark

xv.

AdminBookmark

AdminBookmark

ANALECTA HYMMCA

MEDII AEVI.