83. De sancto Benedicto.

1 a. Benedictus

Decantat in caelis laetus
Alleluia

1 b. Regi regum ;

Nutricis sedavit fletus,
Res miranda,

2 a. Fracti capisterii

Reparato fragmine
Prece fusa,

2 b. Et huius mysterii

Monachorum ordine
Res inclusa.

3 a. Sicut capisterium
Purgat farris vitium,
Pari forma

3 b. Expurgat religio,
Quae mundano vitio
Sunt corrupta.

4 a. Suscitavit mortuos
Et curavit languidos
Valle nostra ;

4 b. Eiecit daemonia,
Per hunc elepbantia
Fit consumpta.

5 a. Noster chorus concinit,
Ecclesia meminit,
Nec mens prava desinit
Esse caeca;

5 b. Si non nostris cantibus,
Credat vel codicibus
Gregorii pluribus
Haec praedicta.

6 a. O pater, propera,
Fideles libera,
Ne sit in inferis
Gens misera;

6 b. Removens scelera
Da vitae munera,
O regis aetheris
Puerpera.