91. De sancta Caecilia.

1 a. Vocem laudis exaltemus,
Diem festum honoremus
Virginis Caeciliae;

1 b. Sponsum eius non inanum,
Beatum Valerianum,
Laudent Sion filiae.

2 a. Hic est ille singularis

Sol illustrans stellam maris
Lucentem in iubilo,

2 b. Cui virgo desponsatur
Et sibi confabulatur
Noctis tunc in nubilo.

3 a. Die, Valeri, quid audisti
Alloquendosponsam Christi?

Hanc audivi sic dicentem:
"Zelo multo metuentem
Habeo archangelum

3 b. Die, Valeri, quid audisti
Alloquendosponsam Christi?

"Est secretum, quod revelo,
Optimi amoris telo
Caste vulnerata sum.

4 a. Dic, Valeri, quid audisti
Alloquendo sponsam Christi ?

Si incaste me contingis,
Dira poena te constringis
Mortis per interitum.

4b. Die, Valeri, quid audisti

Alloquendo sponsam Christi ?

"Si te mundas mundo cedens

Et in verum Deum credens,

Mecum cernes angelum.

5 a. Die, Valeri, quid fecisti
Postquam haec intellexisti?

Ad Urbanum properavi
Et secretum revelavi
Et ibi me renovavi
Sacri fontis flumine.

5 b. Die, Valeri, quid vidisti,
Postquam Iesum induisti?
Tunc angelicum decorem
Vidi sentiens dulcorem
Et rosaticum odorem.
Fragrantem in lumine.

6 a. Die, Valeri, quid sensisti
Amplius de sponsa Christi?
Fratrem mihi sociavit
Et ad palmam invitavit
Et utrumque praesentavit
Caelesti collegio.

6 b. Die, Valeri, quid sensisti
Amplius de sponsa Christi?
Almachium superavit,
Ensis eam iugulavit,
Sic amantem reamavit
Mortis privilegio.

7 a. O Valeri, vale, care

Ac pro nobis deprecare ;

7 b. Et tu, mater huius festi,
Nos amore sponsi vesti,

8. Ut in morte
Bona sorte

Det nos uti cum beatis
Sertis per te seminatis.