94. De sancta Chrisfina.

1 a. Gaudeamus exsultantes,
Hunc Christinae celebrantes
Diem sacrae virginis,

1 b. Quae aetate puellari

Passa fulget nunc praeclari
Throno iuncta luminis.

2 a. Haec, ut erat speciosa,
Casta, prudens et formosa
Moribus et genere,

2 b. Christum corde flagitabat
Et exemplis praedicabat
Voce, gestis, funere.

3 a. Fatigata

Diris verberibus
Et artata

Taetris carceribus
Agni sponsa nobilis

3 b. Post tortores,

Calcar et vincula,
Post dolores
Et rotae spicula
Permanet immobilis.

4 a. Maris fluctus et serpentes,
Rotam, fustes et candentes
Flammas atque iudices

4 b. Haec pro Christo superavit
Et extinctum suscitavit,
Nunc tuetur supplices.

5 a. Cum mamillis caederetur,
Fluxit lac pro sanguine,

5 b. Et, cum lingua privaretur,
Non est laesa famine.

6 a. Gladiis confossa demum
Regnum possidet supremum
Cum Christo feliciter ;

6 b. Quem pro nobis ut deposcat,
Et commissis ut ignoscat,
Precemur humiliter.

7. Ipsi laus et gloria.