95. De sancto Christophero.

1 a. Hodierna die, Christe,
Recolat ecclesia

1 b. Christophori agonistae
Fidei sollemnia.

2 a. Laus est regis in martyris
Ipsius martyrio,

2 b. Quem edidit faex doloris,
Cananaea regio.

3 a. Promittente voce caeli
Baptismatis bravium

3 b. Statim sprevit pro fideli
Stygis internicium.

4 a. Martyr nascitur
Novae legis,
Novi regis

Opportunus signifer.

4 b. Lumen oritur,
Nova forma,
Nova norma,

Triumphator bellifer.

5 a. Sanctum vide victum fide
Triplici funiculo
Edocentem non latentem
Ferarum latibulo.

5 b. Fama Samon publicatur
Viridenti baculo,
Appellea baptizatur
Gens grandi miraculo.

6 a. Audit Dagnus sua iura
Poni multum in pressura;
Mente profunda
Quadringentos sitibunda

6 b. Indagare misit cura

Milites sanctum matura ;
Stupet statura
Rex dicens: Quis es, ia-
ctura ?

7 a. Dixit ei Christophorus:
Reprobum me alter chorus
Vocat ab infantia ;

7 b. Sed post baptismi gratiam
Christophorus ad gloriam
Vocatus voce dia,

8 a. Christophorus Christum fe-
rens,
Typum Christi recte gerens
Summa providentia.

8 b. Nicea et Aquilina

Recumbentes in sentina
Relinquunt sculptilia.

9 a. Fluxit ignis velut cera

Non praebens incendium.

9b. Dolet Dagnus dicens fera:
Non times supplicium?

10 a. Virgis caeditur ferreis,
Tortoribus martyreis
Sacro vacans opere.

10 b. Sagittae nece ferventes,

Christophorum non laeden-
tes,
Figuntur in aere.

11 a. Capitali martyr poena
Iubetur

a tyranno consummari.

11b. Cuius Sichem in amoena
Credimus
regione collocari.

12 a. Martyr Dei,
Licet rei

Simus nec idonei
Tuae laudi,

12 b. Te laudantes
Et sperantes

De tua clementia
Nos exaudi.

13 a. Epilentiam, maniam

Curas [per] martyrium ;

13 b. Aemularis insaniam

sedem linquens vitium.

14 a. Gratulatur
Et laudatur

Per te caeli curia.

14 b. Fac nos laude
Sine fraude

Post spem frui gloria.