96. De sancto Christophero.

1a. Invictum Christi militem
Collaudemus Christopho-
rum,
Qui triumphum per nobilem
Superavit diabolum.

1 b. Omnes ergo concorditer
Voce cantemus libera,
Referamus ut digniter
Virtutum eius opera.

2 a. Hic spreta idolatria
Cognovit Dei filium
Egressusque de patria
Pervenit ad martyrium.

2 b. Ad aquas prius fluvii

Christi servus resederat,
Per quem multos spepraemii
Propter Deum transtulerat.

3 a. Natus puer ex virgine

Dum ab eo transvehitur.
Deus ferri ab homine
Signis multis cognoscitur;

3 b. Nam unda crevit fluminis,
Puer gravis fit baiulo,
Palma plenaque dactilis
Facta fuit ex baculo.

4 a. Ex hoc relinquens fluvium
In Samon venit Lyciae,
Ubi Deus linguagium
Dedit ei provinciae.

4 b. Secum virga quam tulerat,
Licet iam foret arida,
Mox tamen, ut oraverat,
Arbor facta est florida.

-5 a. Dagnus rex misit milites,
Qui eum comprehenderent,
Missos sanctus satellites
Informavit, ut crederent.

5 b. Eo viso rex imperat,

Diis ut det sacrificia,
Sed ipse regem increpat
Ista super stultitia.

6 a. Sancto misso in carcerem
Terrentur meretriculae,
Mittunt errorem veterem
Christoque fiunt credulae.

6 b. Ad regem rursus ducitur,
Vinclis ligatur undique,
Ferreis virgis caeditur,
Cum ignita stat casside.

.7 a. Lectus post haec fit ferreus,
Sub quo ignis cum oleo,
Sed factus est ut cereus
Sancto stante in medio.

7 b. Furens rex minas addidit,
Terrens mortis supplicio,
Sed martyr fortis perstitit,
Ut erat ab initio.

8 a. Ecce, militum iacula

Non laeserunt Christo-
phorum,
Quorum unum cum macula
Regem iecit pestiferum.

8 b. Cunctis ad se. clamantibus
Impetravit auxilium,
Caesus [est] a tortoribus
Et susceptus in gaudium.

9 a. Illi, qui tunc te perdidit,
Reddis, o martyr, oculum,
Hinc, qui nunc tui meminit
Precibus salva populum.

9 b. Trinitati sit gloria

Pro patrono tam strenuo,
Cuius nobis victoria
Prosit hic et perpetuo.