Albert the Great, De Animalibus

Ponamus igitur prius modos naturales coitus, et deinde determinemus alia accidentia quae induximus superius declarando accidentia per se, sive propria, et communia quaecumque accidunt unicuique inducdrum.

Dicamus igitur, quod omne animal in quo est mas et foemina coit : et dispositio naturalis uniuscujusque animalis in coitu scitur ex situ et figura membrorum genitalium corporum eorum. Animal vero gressibile sanguinem habens et in utero formans et generans animal, habet membra convenientia generationi suae secundum naturam : et coitus omnium horum animalium non est uniformis, sed diversatur secundum diversificationem situs et figura) genitalium ipsorum. Quorumcumque enim horum foemiliae retrorsum mingunt, ut leo, cattus, et lepus, et animalia similia habent unum modum coeundi, nisi quod forte propter libidinem aliquando lepus foemina et aliorum foeminae saltant et equitant mares tempore coitus : sed, ut ait Plato, non completur generatio nisi ascensione maris supra foeminam. Plura enim animalia in genere conveniunt aliquando in uno modo coeundi communi. Plura enim genera quadrupedum coeunt mare super foeminam equitante sive ascendente per saltum, eo quod virga maris porrigitur a posterius ad anterius ventris, vulva autem foeminae respicit posterius.

Similiter autem omnia genera avium nota nobis coeunt ascensione maris super foeminam, sed totus mas ascendit super dorsum foeminae, et regyrat parum, per quem egreditur semen sub cauda ad anum foeminae, super quem est via per quam recipitur semen : et sic diversantur in coitu animalia ascendentia super foeminas : quoniam aliquod ex animalibus est, quod quando coeundum est, sedet foemina prona super terram, et tunc mas ascendit super ipsam, sicut coeunt gallinae. Quaedam autem avium licet ascendant super foeminas, tamen foeminae non inclinantur, sed stant elevatae, et mares tenent se super eas motu quodam alarum, ut coeunt grues, et ciconiae, et ardeae, et hujusmodi aves : quoniam in talibus foemina non sedet prona ante marem, sed mas ascendens coit cum foemina, et applicat membra coitus velociter, eo quod symmetria corporum eorum in tali ascensione proportionata est, quod nec longius nec brevius est quam exigitur ad contactum genitalium, sicut patet in passeribus qui velocissimi sunt coitus, et iterant coitum multoties una vice post aliam : nec hoc posset fieri nisi per sym-

metriam corporum adunarentur ad contactum genitalium membrorum. In aliis autem in quibus non est talis symmetria saepe frustratur saltus et ascensio, eo quod membrum maris membrum foeminae non tangit directe. Vulpes vero coeunt projicientes se super terram, et sic se sibi mutuo applicantes. Hiricii vero agrestes stantibus pedibus posterioribus erecti coeunt, applicantes dorsum dorso propter suorum genitalium talem situm et dispositionem.

Amplius autem quodcumque animalium generans animal habens magnum corpus, divertatur necessario in coitu ab aliis non similis figurae et quantitatis animalibus. Foeminae enim cervorum vix possunt pati coitum, et similiter foeminae vaccarum propter duritiam virgae maris : propter quod etiam semen fugientes recipiunt in coitu. Hoc autem accidens apparet in cervis cum domesticatur. Lupi vero coeunt sicut canes,et propter tumorem virgae lupi et canis et nimiam clausuram interioris orificii vulvae, lupae catulae remanent pendentes ex se invicem post coitum.

Dicit autem Aristoteles, quod mares furiomorum non coeunt cum hominis retro per saltum maris super foeminam, sed mas elevatur in pedibus posterioribus, et foemina applicat se ei aequando et adjungendo vulvam virgae. Foeminae vero furiomorum sunt valde obedientes ad coitum, et clamant alliciendo mares ad coitum tempore coitus. Animal vero quod. furiomum vocat Aristoteles, Avicenna caprum vocat, et omnino dat ei easdem proprietates coitus, quae hic determinatae sunt. Caper autem montanus est de quo loquuntur, et ille proprie ibex Latine vocatur.

Coitus vero cameli cum perpetratur, foemina humiliat se super genua, et vadit ad camelum Hexis genibus cum appetit, et tunc mas ascendit saltando foeminam et equitat eam per totum diem coeundo : et appropriatur camelis quod. solitarii sunt tempore luxuriae sive coitus in montibus, et tunc nullus audet appropinquare eis nisi solus pastor. Est autem virga camelorum valde nervosa et dura, propter quod etiam fiunt ex virgis eorum chordae arcuum.

Elephas vero foemina sedet, et equitat super ipsam mas, et ideo elephas foemina descendit ad foveam ut melius possit saltari a mare : appetit autem coitum in aqua, quia uterque ibi magis juvatur in coitu et maxime mas, quia post coitum exaltatur per aquam a foemina, et aqua juvat marem ut exaltetur supra foeminam. Et jam contigit aliquando, ut dicit Avicenna, quod elephas mas coivit cum foemina in terra, quae dicitur Urgeo decaurerivim : quia hoc videbatur mirum, eo quod non consuevit coire extra terram suam, quae est terra Indiae. Tunc autem coivit quando exivit de terra Indiae ad terram Corascenoram et ejus confinium : et tunc in coitu illo elephas mas juvit se suo culmo, et declinavit crupam foeminae, hoc est, caudam quae texerat vulvam ejus, et ascendit super eam et coivit : et ex hoc scitum fuit, quod culmus elephantis auxiliatur ad coitum ipsius : et hoc fuit post praedicationem Mahumeti annis quadraginta tribus minus.

Aliud autem mirabile Addebatur, quod videlicet leo silvestris ducebatur ad praedictam civitatem, et coivit cum leaena, et genuit ex ea, quod numquam ante visum fuerat in aliqua civitate. Camelus autem, sicut diximus, coit multoties et diu : et sua libido est valde fervens in tempore coitus : et in tempore coitus non accipit camelus, nisi modicum de annona, et hoc habet proprium, quod semper appetit coire prope locum illum in quo primum coivit. Gochi autem, quod est idem quod vitulus sive bos marinus, tempore libidinis suae coit sicut alia animalia quorum foeminae mingunt retrorsum : et in cochi quidem virga multum tumet, et est magna tempore coitus, et ideo pendet aliquantulum retro a cochi foemina, sicut lupus, et canis.

Animal vero quadrupes ovans coit sic-

ut animal quadrupes generans animal : quoniam mas equitat foeminam, sicut tortuca agrestis ei aquatica et marina, et habet membrum proprium cum quo coit, sicut animal quod vocatur fecheach, et rana, et hujusmodi. Animal vero laeve multum carens pedibus, sicut serpens, et genus animalis quod Graece hascimorie dicitur, hoc est, murena, in coitu quasi applicantur ad invicem involuta, sicut duo essent unum animal biceps, hoc est, duorum capitum, et similiter facit lacerta.

Celeti vero coit cum sua foemina per applicationem dorsi ad dorsum. Marinorum autem quaecumque sunt lati corporis, sicut quod vocatur vacor et argeron, et hujusmodi, coeunt sic quod, foemina equitat quidem, sed sic quod mas applicat dorsum suum supra dorsum foeminae, nisi prohibeat hoc pinguedo et caudae spissitudo. Animal vero quod dicitur rasor, et quaecumque marinorum sunt magnae caudae et spissae, coit dorso verso. ad dorsum, et confricat se fortiter. Expertus autem dixit quidam marinorum, quod vidit haec pendentia ad se invicem sicut canes. Oportet autem scire, quod foemina in hoc modo animalis, majoris est quantitatis quam masculus : in aliis autem modis animalium foeminae sunt minoris quantitatis ut frequenter quam masculus.

Adhuc autem illud quod Graece malachie dicitur, et agrali et rana et lamiae sunt etiam in mari, et omnia ista coeunt falsando, sicut narravimus : et hoc jam vidit multitudo hominum diversorum per quorum famam traditum est sic esse. Lamiae enim habent vultus mulierum, sicut multi dixerunt. Generaliter autem scitum est, quod tempore coitus omnium generantium animal est multo majus quam ovantium.

Adhuc autem delphinus, et omnes lupi, et canes marini, coeunt secundum dispositionem hanc, hoc est, in duplo et pluri spatio temporis ad ovantia, sicut et quadrupedia. Differentia autem est in masculo celeti ad foeminam : quoniam duo membra, scilicet virga et testiculi, quae conveniunt ad coitum, extendunfur retrorsum et promi nent ad anum versus, ubi est exitus superfluitatum, et non apparent in foeminis sicut apparent in modo foeminarum animalis quod Graece halaure vocatur : quoniam ista duo membra coitus, vulva scilicet et testes, apparent in hujusmodi foeminis solum.

Modi autem piscium et animalium carentium pedibus, non habent testiculos, sed. habent duas vias, sicut apparet in serpentibus et in maribus piscium : et illae duae viae sunt plenae semine tempore coitus, et exit ex eis humiditas mollis alba et tenuis. Et istae duae via) conjunguntur, et faciunt unam, sicut est in modis avium : quoniam testiculi avium sunt interius in omnibus ovantibus, etiamsi habeant pedes. Illa enim via tempore libidinis tumet, et extenditur, et intrat membrum foeminae quando conlocantur ad ventres in loco ubi recipit semen in emissione ovorum. In omnibus enim animalibus generantibus est liquida humiditas masculi animalium, et illius humiditatis invenitur via in parte exteriori una, et in poro uno. In parte autem anteriori sunt duae, sicut etiam in duo divisa est ipsa humiditas, ad duo latera corporis a quo descinditur, sicut superius diximus in anadmia. In animali autem carenti vesica est via ista perveniens exterius ad anum, per quem est. exitus superfluitatis humidae, et stercoris et superfluitatis siccae via una et eadem. Interius autem apparent duae viae, una prope aliam : et dispositio quidem istarum viarum est una et similis in mare et foemina, quoniam neutrum horum habet vesicam praeter tortucam : tortuca enim foemina non habet nisi unam viam, quamvis habeat vesicam : tortuca tamen est ex animalibus ovantibus.

Licet autem hic dixerimus de coitu animalium ovantium, tamen coitus animalium ovantium non multum manife-

statur. Plures enim Antiquorum opinati sunt, quod tempore generationis foeminae primum sequantur mares emittentes semen et capiant ipsum ore, et trajiciant in ventrem. Et hujus signum esse dicunt quod saepe ad oculum videtur, quod foeminae talium animalium aquaticorum ovantium magna multitudine sequuntur mares tempore conceptus, et faciunt quod diximus, quia videlicet semen in os acceptum ponunt in ventrem. In tempore vero partus quando foemina spargit ova, mas sequitur foeminam vice versa et transglutit ova sparsa : et ex ovis quidem remanentibus in ore suo erit generatio piscium : propter quod in parte terrae Levi vocata, quae etiam Comi vocatur, venantur piscatores mares per foeminas, et e converso foeminas per mares : et hoc saepissime apparet, et ideo putat vulgus quod quidam pisces tunc coeant cum quibusdam. Similiter autem forte facit quoddam animal quadrupes. Aliquod enim animal tempore coitus ejicit semen suum intra foeminae membrum : et ideo vaporante semine tempore libidinis olfaciunt inter se membra genitalia convenientia libidini.

Ego autem nihil horum puto esse verum : quia diligenter observans et investigans ab antiquissimis piscatoribus maris et fluviorum, vidi oculis et audivi auribus pisces tempore coitus confricare ad ventres, et spargere ad contactum ova et lac simul. Sed velocior est coitus eorum quam avium : et quod recipitur in ore, descendit per meri in stomachum, et digeritur, sicut bene dictum est in antehabitis. Foeminae vero perdicum quando fuerint in oppositione marium, ita quod ventus portet odorem maris tempore libidinis super foeminam, tunc enim calor libidinis facit spirare et vaporare masculum, statim foemina incipit turgere in semine : et fortasse contingit hoc ad vocem maris tempore maximae libidinis. Saepius etiam contingit hoc ex hoc quod mas volat super foeminam cum ventus fuerit conveniens, et deferens vaporem maris super foeminam : et in tempore quidem coitus per modum praedictum excitata libidine mas et foemina aperiunt ora, et extrahunt ejiciendo linguas propter coitus desiderium. Quod autem dicit Avicenna, quod cubata quae est perdix foemina, impraegnetur ex vento flante a marito et voce mariti, et quod commisceantur per linguas in coitu, nec dixit Aristoteles, nec omnino est verum, sed potius ea quae diximus, excitant libidinem ante coitum, et tunc coeunt sicut gallus et gallina : et hoc saepissime visum est in partibus Germaniae, etiam in domesticis perdicibus, quas ego ipse vidi oculis propriis. Malachie vero et sepiae et chonidem, sive ut Avicenna dicit, assumenem quae est foemina malachie, tempore coitus appropinquant sibi mutuo, et saliunt occulte coeundo : ponunt enim ora super ora, et involuunt pedes circa pedes, et sic coeunt.

Animal vero multipes quod estpolipus, tempore libidinis caput ponit super terram, et extendit pedes cum pedibus foeminae suae, et ita commensuratis corporibus maris et foeminae, conjunguntur orilicia suarum venarum inferius : quando pedes pedibus sunt applicati, et corpus corpori. Sunt tamen quidam opinantes, quod in talibus animalibus mares in extremo pede habent simile virgae, et est prope orificia ipsarum venarum magnarum quae in cruribus extenduntur. Dicunt etiam, quod illa virga assimiletur nervo procedenti ad medium pedis, et quod illud membrum mas ponit in os foeminae, et quod sic perficitur coitus ejus. Et hoc stare non potest : quia nihil omnino coit per os, eo quod os est ad recipiendum cibum : sed locus emissionis seminis ultimo digesti et depurati non potest esse nisi porus aliquis in extremitate corporis existens, ut semen ibi receptum per totum corpus distillando virtutem universalem corporis in se habeat.

Sepia vero et foemina sepiae, quae thonidem vocatur, involvunt se sibi et

involimnt pedes circa pedes, et tunc natant e converso natationi qua natabant non coeuntes : quia una natat contra aliam, ut fortiter adhaereat ei, ita quod unum dictorum animalium natando declinat posterius, et alterum nititur versus os anterius, et sic ovant ex parte membri illius quod pomum in corporibus eorum vocatur : per illud etiam confricando se spargunt commixta ova et lac. Sunt tamen qui opinantur sepias etiam coire per dictum membrum. Karabo autem et astacho et acchorim, et hujusmodi, coeunt sicut animalia quadrupedia mingentia posterius ad caudam : et coitus ipsorum frequentius est in initio veris et prope littus : quia in talibus locis jam expertis apparuit saepius coitus istorum.

Cancer vero communis coit, quando foemina sub ipsum intrans equitatui a mare, sic quod sua coopertoria testea quae tunicae vocantur, involvuntur ad invicem, ita quod porta quae est inter duas tunicas unius directe superposita fuerit portae quae est inter duas tunicas alterius. Dico autem duas tunicas, superficiem duram, et inferiorem in cauda, quae est sicut pellis cornea, sed tenuis. In extremitate enim illius est porus super anum,sic enim cancer minor qui est mas, ascendit super foeminam retro, et declinat se ad ipsam : foemina vero vertendo latus caudae contra eum, et sic applicatione portarum completur coitus : nec diversantur cancri masculi a foeminis, nisi quod foemina est majorum membrorum, et coopertoriorum sive tunicarum in cauda distantia est major in foemina : sed et cauda tota latior est et magis tenuis in foemina. In masculo autem est magis rotunda et spissior, et in radice caudae habet masculus quatuor longas virgulas in cancris fluvialibus, quas non habet foemina. Ovant autem per anum per quem est exitus superfluitatis. Sed neuter cancrorum habet membrum quod in coitu intret corpus alterius, sed per appli- cationem portarum coeunt, sicut diximus.

Animal vero annulosi corporis, coit membro quod est in suo posteriori, et ascendit minus super majus : minus enim dicitur mas, et majus dicitur foemina : deinde emittit foemina vulvam, quae est bifurcata, quae directe est sub membro coitus maris, et ponit vulvam suam directe sub membro maris quod est super eam : et hoc fit e converso in aliis animalibus, quae non emittunt vulvas ad mares, sed. potius mares emittunt virgas contra vulvas foeminarum suarum : et hujusmodi facta emissione ponitur membrum maris intra vulvam foeminae, et claudit se vulva tunc forti constrictione, ita quod adhaerent sibi posterius, ac si sint colligata ad anum, et fiunt quasi sint unum longum animal ex utraque parte habens caput unum. Membrum autem coitus apparet in quibusdam eorum majus, et in quibusdam eorum minus, secundum congruentiam corporum diversorum annulosorum : et non bene manifestatur nisi diligenter experte quis voluerit distinguere inter muscas in tempore coitus, et inter alia annulosa : videbit enim quando mas advolat, et foemina levat posterius suum contra marem, et extrahit bifurcatum membrum, et aperit furcam ejus late, et tunc mas paulatim applicat ascendendo, vel volando immittit suum posterius in vulvam, sicut diximus : et tunc jacent immobilia, aut unum trahit alterum post se, non enim facile separantur, quia coitus eorum multum durat. Haec autem omnia manifestantur, ut dicit Aristoteles, in muscis : sed non in muscis communibus quae cibis insident, quia illae velocis sunt coitus, sed. potius in muscis caninis, et in illis quae animalibus et stercoribus insident : illae enim diu volantes coeunt. Patet autem etiam hoc in. araneis, et praecipue patet in vermibus volantibus longis qui volant super herbas, et in his qui volant super aquas,

quia unus illorum post se trahit alium, ac si sit conglutinatus illi.

Modi autem aranearum quando coire volunt, foemina attrahit ad se marem per fila sua, et mas vice versa foeminam, nec cessat hujusmodi attractio, quousque conjunguntur, et tunc mas ponitur supra ventrem foeminae. Hunc autem modum coitus habent ligando se per fila telae, propter ventris sui rotunditatem : et iste coitus aranearum maxime est in fine veris, et in principio aestatis : in illo enim tempore motis a calore solis humoribus maxime desiderant coitum : quaedam tamen coeunt in autumno, et in heme pariunt ova ad similitudinem quarumdam avium, et quorumdam animalium quae manent in aquis, et involvunt ova sua in folliculis, in quibus jacent per hiemem et egrediuntur in vere, et quaedam etiam in autumno.

Homo vero coit omni tempore, et plura alia manentia cum homine, propter complexionis caliditatem et abundantiam cibi. Maxime autem quodcumque animal modicae impraegnationis, hoc est, quod modico tempore impraegnatur, magis tempore veris et aestatis et autumni, sed in hieme raro, licet aliquando impraegaetur et pariat, ut porcus, et canis, qui multoties pariunt in armo. Viri autem magis desiderant coire in hieme propter clausuram pororum ex frigore, et excitationem caloris et humoris interius. In aestate enim propter porosam carnem virorum evaporat humidum in ipso et calidum, quae sunt duo coitus principia. Faeminae vero desiderant coire in aestate, eo quod caro earum laxa et humida et clausos poros habens, in hieme nimis efficitur humida, eo quod fumus interius reflectitur ad pellem viscosam et spissam exterius, et redundans interius redit in humorem aqueum, et suffocat calorem moventem ad coitum : sed in aestate calore aeris aperiuntur pori et per evaporationem humidi temperatur ita quod moveri et excitari potest a calido naturali, et tunc incitat libidinem.