Acta Congregationum 697

ACTA CONGREGATIONUM

CONGREGATIO DE CAUSIS SANCTORUM

BANGALORENSIS

Beatificationis et Canonizationis Servae Dei Mariae Veronicae a Passione (in saeculo: Sophiae Leeves) Monialis Professae Ordinis Carmelitarum Discalcea- tarum Fundatricis Instituti Sororum v.d. « Apostolic Carmel » († 1823-1906)

DECRETUM SUPER VIRTUTIBUS

« Egredere de terra tua et de cognatione tua et de domo patris tui in

terram, quam monstrabo tibi » ( Gen 12, 1).

Experientia Abrahae, omnis fidei itineris exemplaris, in rebus Servae

Dei Mariae Veronicae a Passione (in saeculo: Sophiae Leeves), quae docilis

fuit Domini voci eiusque praescriptiones est perpetuo secuta, sane reperitur.

Serva Dei Constantinopoli nata est. Cuius pater Anglicani Legationis

Britannicae Cappellani munus sustinuit. In illa adulescentula magna animi

commutatio facta est: multas consumere horas orando incepit posteaque in

Autobiographia sua de impensa experientia spirituali, quae in ea altam pacem

genuit, narravit. A catholica communitate, praesertim a vita eucharistica ac

peccatorum absolutione, tracta est. Cum praefecto navis sponsalia rupit ac

die 2 mensis Februarii anno 1850, resistentibus familiaribus in Anglicana

traditione penitus defixis, Ecclesiam Catholicam est denique secuta.

Galliam deinceps petiit et Congregationem Sororum S. Ioseph ab Appa-

ritione, sumpto nomine Maria Veronica a Passione, inivit. Aliquot per annos

in Instituto magistrae novitiarum officium explevit.

Anno 1862, sese ad puellas educandas datura, in Indiam est missa.

Calcuttae domum emit eandemque in conventus ac scholae formam redegit.

Soror Veronica illi ut Antistita praefuit. Duos deinde annos in Mangalorensi

urbe constitit. Illic a loci Ordinario est ei propositum Sororum Carmelitarum,

gratia puellas docendi, communitatem constituere. Dei Famula, vita con-