Acta Congregationum 699

Extremis vitae annis aliquot consolationes, inter quas cum familiaribus

reconciliationem, equidem accepit. Inhabilitantibus affecta senectutis morbi-

bus, Serva Dei sensim sine sensu languit ac die 16 mensis Novembris anno

1906 in Carmelo Palensi ad superos evolavit.

Ob eius sanctitatis famam, a die 23 mensis Septembris anno 1999 usque

ad diem 21 mensis Iulii anno 2000 apud Curiam Ecclesiasticam Bangaloren-

sem celebrata est Inquisitio dioecesana, cuius iuridica validitas, Decreto diei

11 mensis Ianuarii anno 2002, ab hac Congregatione de Causis Sanctorum

est agnita. Die 14 mensis Octobris anno 2003 facta est Sessio Consultorum

Historicorum. Positione confecta, disceptatum est, iuxta consuetudinem, an

Serva Dei more heroum virtutes christianas exercuisset. Die 30 mensis No-

vembris anno 2012 Congressus Peculiaris Consultorum Theologorum pros-

pero cum exitu locum habuit. Patres Cardinales et Episcopi in Sessione

Ordinaria diei 1 mensis Iulii anno 2014, cui egomet ipse Angelus Card.

Amato praefui, professi sunt Servam Dei virtutes theologales, cardinales

iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Mariae

Veronicae a Passione (in saec. Sophiae Leeves), Monialis Professae ex Ordine

Carmelitarum Discalceatarum, Fundatricis Instituti Sororum v.d. « Apostolic

Carmel » in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 8 mensis Iulii a.D. 2014.

angeluS carD. amato, S.D.b. Praefectus

L. S.

marcelluS bartolucci Archiep. tit. Mevaniensis, a Secretis