97. In sancti Bartholomaei

1. Exaudi, Christe, nos patris potens, pie,
Celse, te semper obsecramus, inclite,
Celsus qui solus es Deique filius,
Es qui dilectus, ecce, matris unicus,
Ymnum perfectum et canorum dicimus.

2. Multis cum saepe dulcibusque vocibus
Nec non nunc ergo mitigando consonis
Uerbis et corde personemus inclitum
Servis cum irae Spaniae fidelibus,
Bis laudet chorus ergo recte filium.

3. A Christo missus, ecce, namque apostolus
Regni regnante et Deo patre inclitus,
Tergens perrexit Indiam potissimum ;
Hinc coepit fortis exhibere gloriam
Omni cum cordis inclita potentia.

4. Linquens peccata India superflua;
O quam laudandus, ad Dei clementiam
Magnum qui facit semper almae filium!
Est quisquam verus? Ecce, verus est Deus,
In caelo namque lucet luce saepius.

5. Augens fulgensque famulis potentia,
Possit ut recte semper inde gloria
Ostendi magna et altitona in aethera
Seu terris nempe terrulisque fortia
Ter nunc quaterque sit Deove gloria.

6. O Christi sancte Bartholomee, qui Indiam,
Lucis de luce per Dei clementiam
In regno, pastor, esse magni filiam
Quum praedicasses, ecce, celsa ad aethera
Herbis fecisti iam olim usque in saecula.

7. Ergo qui infirmos advenit poposcere
Maestos vinctosve ipse tunc vel sospites
Fulgens sanabat, immo sanctus optime
Et collocabat insuper perenniter
Cum sanctis rite Bartholomeus hic bene.

8. Iudex sed fortis et piis piissimus,

Talis, quem rite et est habere apostolum
Legis doctorem, in omnibus potissimus
Et sanctis sanctus et piis piissimus,
Ostemque vincat atque hic apostolus.

9. Mercatus magne sancte seu apostole,
Exaudi nostra saepia praeconia,
Linquens peccata nostra vel facinora,
Furvum serpentem et invidum, comissime
Iudex, subverte, tegatur ter sulfure.
10. Trino sit magna semper ergo gloria
A cunctis namque filiis perennia
Nunc et per saecla saeculorum in omnia,
Unito namque sit Deo piissima,
Semper qui et saepe regnat ipse, gloria.