702 Acta Apostolicae Sedis - Commentarium Officiale

fuit vir fidei vivae, intentus quidem orationi, ardentissimus quoque pietate

erga Eucharistiam. Qui, cum omnia in et sub praesentia Dei iugiter ageret,

videbatur, praesertim in Sacris libandis, tanto studio incensus ut ceteros

etiam traheret, idque animo ingenuo, ulla sine ostentatione. Re vera, cum

spe firma inniteretur, omni tempore, Deo eiusque praevidenti Consilio con-

fisus, vel in rebus adversis vel in discriminibus, tam constanter quam tran-

quille se gerebat necnon in animis omnibus fortitudinem atque serenitatem

immittebat. Fratribus utique omnimodo inserviebat et factis exemplisque,

minimis quoque, caritatem suam erga omnes ostendebat. Cum plane esset

germanus Ioannis Bosco filius, animo simplici et apertissimo, hominibus

omnibus salutem dicebat nec praetermittebat quin primus alloqueretur vel

ipsos ab Ecclesia remotos.

Altero verum bello toto orbe flagrante, in civitate Francogallice Ville-

mur nominata, in diocesi Tolonensi, tunc temporis res gestas heroica cum

virtute est operatus. Etenim, militibus Teutonicis quaedam domi conclavia

invadentibus, nonnullos Hebraeorum pueros abdidit quo tutius ex periculo

vitae evaderent. Quapropter honestabitur in memoriam nomismate quod

tribuitur illis qui « Iusti inter gentes » dicuntur, quippe qui hoc opus animo

forti gratuito patraverit.

Augustus, senex iam venerandus, cum, decem annis postremis, viveret

in amatissima domo « Navarra », semper adulescentibus profuit, semper, diu

noctuque, fratres morbo affectos invigilabat, et, praepositus agris colendis

necnon administrationi vinariae gerendae, domum emundandam curabat.

Insuper, plurimi homines, praesertim sodales salesiani, novitii, sacerdotes

ex dioecesi, eum ministrum ad confessiones audiendas quaerebant. Die 19

mensis Martii anno 1963 animam dedit.

Cum fama sanctitatis propagata esset, ab. anno 1995 usque ad annum

1998, apud Curiam Archiepiscopalem. Tolonensem, dioecesana Inquisitio

est celebrata, cuius auctoritas et vis probata est ab hac Congregatione de

Causis Sanctorum Decreto die 25 mensis Iunii anno 2004. Perfecta Positio-

ne, inquisitum est, ad normas processus, an Servus Dei virtutes exercuisset

heroum more. Die 15 mensis Octobris anno 2013 factus est felici cum eventu

Congressus Peculiaris Consultorum Theologorum. Die 17 mensis Iunii anno

2004, cum Sessio Ordinaria haberetur, cui egomet ipse, Cardinalis Angelus

Amato, praefui, Cardinales et Episcopi fassi sunt Servum Dei heroum in

modum virtutes theologales, cardinales iisque adnexas, observasse.