108. De sancto Dionysio.

1. Summi regis ierarchia
Gratulatur, freta pia
Electorum gloria.

2 a. Lux e luce graditur,

Dum pacis granum labitur,
Nitor Dionysii ;

2 b. Qui errore cutitur,
Athenis ritu volvitur
Frequens in gentilium.

3 a. Arte peritus physica,
Vana colens idola,
Ignotum Deum asserens,
Quem fide nondum ceperat,

3 b. Pauli erectus dogmate,
Sacro unctus pneumate,
Profanum cultum respuens
Et Christum palam prae-
dicat.

4 a. Teritur miraculo

Philosophantum acies,

Solutus a piaculo

Fit praesul amantissimus.

4 b. Sistitur martyrio

Praefecti minas perferens,
Adiectis et sodalibus
It laetus ad tripudia.

5 a. Decollata capite,
Viribus reductis
Caelitus angelicis-
Que circumvallatus moeniis
Rutilat prodigio

5 b. Revelata corpore
Valido meatu
Properat Parisius,
Quo solemnizatis laudibus
Residet magnificus.

6 a. Qui bene sanat languidos,
Cum caterva inclita
Plura fert remedia

6 b. Et reos placat hilaris,
Angelorum agmina
Cui dant obsequia.

7. Cuius intercessio
Operetur, ut remissio
Nobis donetur scelerum.