109. De ss. IV Doctoribus Ecclesiae.

1 a. Voto cordis melos demus,
Congaudentes decantemus
Doctorum laudes inclitas.

1 b. Hi lucernae sunt ardentes,

Quae perducunt gradientes

Per scripturarum semitas.

2 a. Gregorius, vir facundus,
Verbo dulcis, vita mundus,
Formam hominis tenuit.

2b. Ambrosius, leo fortis,

Magnatorum nunquam mortis
Metu peccata tacuit.

3 a. Ieronymus, b o s secure
Gradiens, vias scripturae
Solidissimas docuit,

3 b. Super omnes Augustinus,
Alta petens vir divinus,
Vultum a q u i 1 a e meruit.

4 a. Nubes caeli, rore plenae,
Sal terrae, lux mundi, venae
Totius sapientiae,

4 b. Nos a culpis expiari
Procuretis et post dari
Choris caelestis patriae

5. In sempiterna requie.