110. De ss. IV Doctoribus Ecclesiae.

la. Plebs fidelis,
Plaude melis,
Ut in caelis
Resonet

1 b. Laus de bono
Dei dono
Nec a sono
Dissonet.

2 a. Nam latria
Tunc est pia,
Cum haec tria
Consonant:

2 b. Mens cum ore,
Os cum more,
Manus horae
Resonant.

3 a. Sed doctores,
Morum flores,
Immo mores
Proprie,

3 b. Sunt in caelo,
Nunc in melo
Pari zelo
Gloriae.

4 a. Gregorius
Eximius
Gaudet prius
Merito

4 b. Et proprius
Vicarius
Cultu pius
Inclito.

5 a. Huic vicinum
Augustinum
Ius divinum
Tribuit

5 b. In gloria.
Quare? Quia
Per praemia
Meruit.

6 a. Loco trino
Augustino
Pro divino
Munere

6 b. Ambrosius
Egregius
Fit socius
Foedere.

7 a. Pro mercede
Est in aede
Caeli sede
Civium

7 b. Jeronymus
Sanctissimus
Nec minimus
Omnium.

8 a. Ex doctrina
Quorum bina
Lex divina
Panditur,

8 b. In agone
Vitae bonae
Ac sermone
Legitur.

9 a. A praedictis
Pro delictis
Nunc velitis
Veniam

9b. Impetrare;
Volunt dare
Prece pare
Gratiam.

10 a. Et ideo
Suadeo,
Ut a Deo
Gloriam

10 b. Reportemus,
Hos rogemus
Ac laudemus
Etiam.

III. De ss. Dominico, Petro, Thoma.

1 a. Ad honorem trinitatis
Refulget seraphicns
Triplex splendor caritatis
In mundo mirificus:

1b. Adest dux Praedicatorum,
Orbis lux, Dominicus,
Petrus martyr, norma morum,
Thomas, doctor caelicus.

2 a. Multorum, ut Abraham,
Pater hic probatur,
Innocens ut Isaac

Alter immolatur,
Hic videns ut Israel
Deum contemplatur.

2 b. Ore trium testium
Veritas firmatur,

Sic fides credentium
Per hos tres fundatur,

Per quos demum fallacium
Haeresis damnatur.

3 a. Dominicum caritas
Eminens ornavit,

Martyrii dignitas
Petrum laureavit,

Doctrinae sublimitas
Thomam decoravit.

3 b. Hos tres duplex titulus
Honoris ditavit,
Dum doctrinae rivulus

Ex his emanavit,
Delibatus flosculus
In eis fragravit.

4 a. Hic [est] vir aethereus,
Fervens praedicator,

Alter fortis clipeus,
Fidei zelator,

Hic errorum malleus,
Legis declarator;

4 b. Ille primicerius,

Pauperum fundator,

Signorum egregius
Alter operator,

Augustino tertius
Compar illustrator.

5 a. Trino teste caelitus
Fides roboratur,

Aqua, sanguis, spiritus
Dum nobis donatur,

Tribus his divinitus
Mundus reparatur;

5 b. Spiritus eloquii

Dominico datur,

Sanguine martyrii
Petrus decoratur,

Aquis sacri studii
Aquinus rigatur.

6 a. Pie pater, influe
Ignem caritatis,

Petre, nobis tribue
Spem securitatis,

Thoma, tu nos instrue
Luce veritatis.

6 b. Vos, qui iam in aethere
Cum Christo regnatis,

Curetis eripere
Nos hic a peccatis

Et tandem conducere
Civibus beatis.