115. De sancte Dorothea.

1 a. In vestitu deaurato
Carnis pallio sublato
Procedit Sion filia.

1 b. Non formidat vulnerari
Sponsum quaerens amplexari
Dilectum super milia.

2 a. Quem quaesitnm per plateas
Inter virginum choreas
Vidit legentem lilia.

2 b. Intrat laeta sponsi thorum
Per phalangas angelorum
Petens amoris osculum.

3 a. Qui sub sceptro maiestatis
Sponsae regnum claritatis
Dat nuptiale dosculum,

3 b. Falce mortis ex hoc imo
Virescenti floris tymo
Iungens recisum flosculum.

4 a. Vis amoris, quam affecit,
Exspectanti non defecit,
Pulchrae Rachelis facies.

4 b. Fracto carnis alabastro
Fit vicina solis astro
Post hiemales glacies.

5 a. Quam dum poenis praeses
pressit,
Ordinata non abscessit,
Stans ut castrorum acies.

5 b. Haec Theophilum armavit
Floribus et malis, lavit
Erroris a vesania,

6 a. Et sorores revocavit,

Christo reconciliavit

Meditantes inania.

6 b. Simul in conspectu throni
Stant et vident fontem boni
Iam Deum per essentiam.

7 a. Virgo clemens, serva gentem
Tuas poenas recolentem,
Funde precum frequen-
tiam,

7 b. Ut persuasu Thecuitis,
Manu fortis, corde mitis,
Mortis laxet sententiam.

8 a. Transfer nos ad supernorum
Festos, choros angelorum,
Prata semper virentia ;

8 b. Fluctuantes duc ad portum,
Sponsi pande nobis hortum
Et poma redolentia,

9. Ipsum tecum ut ludentem
Contemplemur, disponentem
Rerum causas et entia.