116. De sancta Dorothea.

1 a. Mittit ad virginem
Sanctam Dorotheam,
Ut pulchritudinem
Atque aureolam
Tyrannus impius

1 b. Forti subripiat
Cum violentia ;
Ut hanc eripiat,
Dei clementia
Astat propitius.

2 a. Natura stimulat
Malum Fabricium,
Fremit et cumulat
Ob hoc supplicium,
Ut hanc alliciat:

2 b. Superbientium
Terat fastigia,
Vertit Theophilum
Simplex puellula,
Ut haec perficiat.

3 a. Foras eiciat

Mundanum otium,
Ut non despiciat
Castum negotium,
Poenas sustinuit.

3 b. "En, inquit, "niteris
Me coinquinare ;
Clerum cum ceteris
disco adunare; Et hoc obtinuit.

4 a. Accede, propera,
Insta et supplica
Et nostra munera
Clementer duplica
In caelo et in terra.

1b. Virgo, notario
Poma angelica
In Februario
Dona et caelia

Transmittens sine guerra.

5 a. Audit et suscipit
Puella canticum,
Quod chorus iam incipit.
Nos caeli anticum
Ingredi rogita

5 b. Consiliarium
Humani generis,
De tuis supplicibus
Servis et liberis
Iugiter cogita.