117. De sancta Dorothea.

1 a. Salve, rosa claritatis,
Rivus amplus bonitatis,
Ebur candens castitatis,
Balsamus fragrantiae,

1 b. Turturea Dorothea,

Quae es cella marmorea,
Tuo AdminBookmark confer ea,

Quae sunt dona gratiae.

2 a. Ecquis te cum tuo grato
Sponso, multum delicato,
Euphonizet coram rato
Vulgo christianico.

2 b. Pangam ergo hanc sonoram
Oram gemmis polituram,
Castam, iustam, quam de-
coram
Referunt graphilogi.

3 a. Haec est illa virgo clara,
Quae tormenta per amara
Agnum multum in praeclara
Imitatur suppara.

3 b. Aurem tuam huc inclina,
Hostem, precor, procul mina,
Ne nos fraude hic vulpina
Impellat ad barathra.

4 a. Nam orante, virgo dia,
Scio, quod in ierarchia
Te implorans ac honorans
Situetur caelica.

4 b. Virgo, nobis impetrare
Locum, in quo iubilare
Sponso tibique sonare
Laudes efficaciter

5. Simul omnes inclumemus
Et clamando publicemus.
Nobis hoc det, quo egemus,
Regnat qui perenniter.