125. De sancto Eligio.

1 a. Laudabilem

virum adoremus,

speciosum prae

cunctis- natis,

1 b. Antistitem

inclitum qui fecit

ex fabro mirae

sanctitatis.

2 a. Cuius felix aurificium;

Nam totum solarium,

Quod acquirit per malleum,

Reponit in gazophylacium

Per manus degentium.

2 b. Eia, praesul munde, funde

Precaminaprotuagente, mente

Quae plorat, orat,

Quia multa stulta

Commisit ; te invocamus

Eligium.

3 a. Qui de maerore ad gaudia

Et de labore ad praemia

Hodie translatus es

Caelestia;

3 b. Ubi virtus, honor, salus,

Ubi consors nullus malus,

Ubi coetus semper laetus

Sine molestia ;

4 a. Quo nos famulos tuos

tua per suffragia

4 b. Post hanc miseriam

Christi perducat gratia.

12C. De sancto Eliphio.

1. Felix, Eliphi,

caelestis purpura regni,

2 a. Regis praesidio

Fretus in proelio,

Certus de praemio

Curris in stadio.

2 b. Gaude martyrio,

Gaude tripudio,

Laetus consortio

Iunctus angelico.

3 a. Tu palma victoriae

In domo iustitiae

Ornatum ecclesiae

Auges flore gloriae.

3 b. Te Christus associat,

Ut tibi congaudeat

Caelestis exercitus

Dono sancti spiritus.

4 a. In sanguine purpuratus,

Stola prima candidatus,

A labore consolatus,

Gloriaris laureatus.

4 b. In Domino triumpbasti,

Quem gentibus praedicasti,

Sed ipsum desiderasti

Ac pro illo decertasti.

5 a. Arbor alta in montibus,

Fructifera virtutibus,

Splendens sidus eximium

In agmine caelestium;

5 b. Dignus dignis adiungeris,

Cum quibus laetus frueris

Visione perpetua,

Indefessa laetitia.

6 a. Transmittit ensis vesani

Te ad caelos Iuliani,

Potentis David militis

Praecidens florem capitis.

6 b. Quem amplexatum manibus

Angelis comitantibus

Ad alta transfers montium

In petra sumens tumulum.

7. Nunc tui compos gaudii

In regnum gaudimonii

Transfer Christum collaudantes

Ac devote exorantes.