127. De sancta Elisabeth.

1 a, Sanctae matris

Elisabeth sollemnia
Recolamus.

1b. Et ipsius

In terris patrocinia
Sentiamus.

2 a. Ista regis filia

Mundi vana gaudia
Non curavit,

2 b. Sed in pueritia
Carnem per cilicia
Castigavit.

3 a. Ideo separabatur,

Minus dum adaptabatur
Viri voto ;

3b. Huic caute famulabatur,
Hunc timens deprecabatur
Corde toto.

4 a. Inter mundi gaudia

Non pro laude hominum
Laboravit ;

4 b. Contempsit, ludibria,

Verum lumen luminum
Haec amavit.

5 a. Hanc dum sponso temporali
Oportebat viduari,
Non curabat alii
maritari ;

5 b. In habitu spiritali
Cupiebat famulari
Hinc in caelis meruit
collocari.

6 a. Lavit pauperibus,
Stravit debilibus
Ista sedula
paupercula,

6 b. Cuius nos precibus
Mundatos sordibus
Christus protegat
per saecula.