129. De sancto Erasmo.

la. Gloriose martyr Dei,

O Erasme, nos orantes
semper refove.

1 b. Ave, quod optamus rei,

Pater pie, hoc in nobis
semper perfice.

2 a. Gaudens in caelorum thronis,
A Christo pie vocatus
carnis per interitum,

2 b. Fac nos tuae passionis
Socios in hac vita et
gaudere post exitum.

3 a. Audi, regni consodalis,
Tuorum fidelium
Fletus in periculo ;

3 b. Tuae laudi nullus talis
Deo servientium
Visus est in populo.

4 a. O dulcedo peccatorum,
Erasme, ac orphanorum
Pia consolatio;

4 b. Potens martyr, o Erasme,
Nos defende ab inimicis
Et dona victoriam.

5 a. O Erasme, o praeclare,

Fac nos tibi famulantes
recta semper sapere,

5 b. Inimicos superare

Post hanc vitam in gloria
sempiterna vivere.

6 a. Si sint tantae pravitatis
Cordis impugnantia,

6 b. Cultus tuae sanctitatis
Nostri sit custodia.