135. De sancto Eustachio.

1 a. Triumphantis militia
Laudetur in ecclesia,
Altitonantis gratia
Provocati 5

1 b. Beatorum industria
Nobis sit in memoria,
A daemonis fallacia
Revocati.

2 a. Prius magister militum
Fanorum colens ambitum

2 b. Et Traiani ad libitum;
Tunc Placidus est vocatus.

3 a. Venanti Christus adfuit,
In cornibus apparuit
Cervi ipsumque docuit
Baptizari.

3 b. Mox tinctus baptismi rore
Cum filiis et uxore
Christianitatis more
Sorte pari.

4 a. Eustacbius est vocatus,
Ab idolis revocatus
Elegit mundo temptari
A delicetisque mundari.

4 b. Mundi relictis opibus
Et militum honoribus
Transivit cum familia
Mare magna miseria.

5 a. Tributum solvere nequit,
Nautis uxorem relinquit ;
Deus tamen non reliquit

Hanc servans infamia.
Uno relicto filio

Super ripam fluminis
Hunc rapit lupus subito ;

Dolor patris est subolis.

5 b. Leo reliquum rapiens,
Fere pater insaniens ;
Deus tamen custodiens

Hos illaesos [in via],
Aratores et pastores

A bestiis rapiunt,
Edocentes horum mores

Et pueros nutriunt.

6 a. Pater egenus serviit,
Quindecim annos latuit
Et armenta custodiit
Maestus pastor.

6 b. Barbari imperatorem

Persequentes ultra morem ;
Plangens Placidum decorem,
Huius quaestor.

7 a. Missi milites pro ipso
Indigentia sic fixo,
Omni honore dimisso,
Taliter reperiunt ;

7 b. In patriam provocantes,
Eum blande consolantes,
Militiae revocantes
Barbaros afficiunt.

7 c. Eustachius nutu Dei,
Uxor eius et filii
Longissime incogniti
Invicem se reperiunt.

8 a. Imperator hunc cogebat
Idolis sacrificare ;
Ille vero renuit,
Deo servire studuit
Et familiam servare.

8 b. Intromissi cum leone,
Leo cum devotione
Hos illaesos voluit ;
Miraculo patuit

[Deumillos]praeservare.

9 a. Exhinc in bovem aeneum
Ardentem atque flammeum
Prece Deo supplicantes,
Animas ipsi reddentes.

9 b. Vestes tamen et corpora
Inusta sunt et opera ;
Ipsorum prece precantes
Cum ipsis simus laetantes.