136. De sancto Eutropio.

1 a. Hac clara die turma
festiva dat
praeconia

1b. Nobilis Eutropii
recolendo
martyria.

2 a. Excellentior

Nullus stirpe, fulgentior
Nullus vita dia ;

2 b. Puer literis

Doctus fulsit prae ceteris
Summa prudentia.

3 a. Fuit unus de milibus
Quinque cibo egentibus,

3 b. Quos pavit Christus piscibus
Binis et quinque panibus.

4 a. Salvavit hic patrem
Et matrem

Totamque Babyloniam ;

4 b. Namque baptizantur,
Firmantur

Fide per eius peritiam.

5 a. A summo clavigero
Praesul efficitur,

5 b. Xantonas cum sincero
Corde progreditur.

6 a. Dum verbum loquitur
Dei, spernitur ;

6 b. Perticis laeditur,
Face uritur.

7 a. Gaudens doloribus
Praedicat Deum,

7 b. Tunc carnificibus
Rex tradit eum.

8 a. Atrociter Eutropius
Lapidatur,
Plumbatis verberatur,

8 b. Asciis [et] securibus
Sancti caput
Martyris amputatur,

9. Anima cuius in caelis coronatur.