137. De ss. Felicitate et filiis.

1. Eia, septem fratrum

pangamus laude triumphum.

2 a. Quorum perenni gloria
concinando
caelestis plaudit curia,

2 b. Illorum patrocinio
implorando
geminat tellus gaudia.

3 a. Mater ecclesia
gloriatur
filiorum
fecundata profectibus ;

3 b. Rosis et liliis
coronatur
diversarum
virtutum vernans floribus.

4 a. Omnis corde,
fide non ficta,
electorum concupiscat
praemia;

4 b. Spernat virgo
vel maritata

luxum florentis mundi cum
vidua.

5 a. Omnis sexus

contendat ingredi
artam portam paradisi ;

5 b. Omnis aetas
certet promereri
morte palmam martyrii.

6 a. O mortis species beata,
qua mercatur perpes vita !

6 b. Ad huius vitae comercia
tendebat felix vidua.

7 a. Felicitas beata,
flagris examinata,
sprevit terrorem mortis
amore Christi.

7 b. Praemisit per diversa
natos suos tormenta,
ut succederet illis
in regno caeli.

8 a. Hinc se concorditer
hortantur fratres
viriliter,

8 b. Pugnent ut fortiter,
ut ferant poenas
alacriter.

9a. Mactantur fustibus
plumbatis, ruunt
per praecipitia.
caedit ensis colla.

9 b. In quo confoederant,
beatas Deo
reddunt animas,
caeli petunt regna.

10 a. O beata fraternitas,
vivae Christi victimae,

10 b. Vestra pugna sit uitela
vestrae familiolae

11. Et det nobis
vitam aeternam.