138. De ss. Felice et Adaucto.

1 a. Pulchrae Sion generosa
Speculatrix, amorosa,
Sancta speculatio.

1b. Speculans intus precaris
Dominumque specularis
In decore regio.

2 a. Mundum scrutans in decretis
Praedicaris a prophetis,
Sacro manans nectare ;

2 b. Dulce nectar et vitale,
Nectar cunctis inaequale
Omni dempto compare.

3 a. Nectar fluens a fluento
Trinitatis, opulento
Vitae de profluvio;

3 b. Hoc e caelis ad nos transit
Nectar, quod in Deo mansit
Verbum a principio.

4 a. Et hoc idem Deus fuit,

Per quod nobis nectar pluit,
Divina confectio ;

4b. Nectar clarum, sacer rivus,
Quo fit homo redivivus,
Ductus ab exsilio.

5 a. Mens adversis hilarescit,

Mundi fastus et vilescit

Reproba prosperitas.

5 b. Gurges mellei gustatus
Nectaris inopinatus,
Mira delicacitas.

6 a. Liquor divus, fons inundans,

Imbre lacteo fecundans

Effluentes latices,

6 b. Duas urbes has olivas,
Inter gloriae convivas
Iam plantatos frutices.

7 a. Mundi principe devicto,
Spreto Gaesarum edicto
Celebri victoria,

7 b. Quorum iubilant adventu
Angelorum cum concentu
Supernorum gaudia.

8 a. Vere, iuste, iure legum

Hos laudemus, quos rex regum
Summa lustrat gloria.

8 b. Pie Felix et Adacte,

Per vos supplicum intacta e
Causae sint in patria.