142. De sancto Fursaeo.

1 a. Vita, fide, signis gratum
[Et virtutibus ornatum]
Dat Fursaeum Scotia.

1b. Morte ductus ad examen
Carnis redit ad certamen
Dictante iustitia.

2 a. Visa prius Stygis viae
Ac caelestis harmoniae
Grandi differentia

2 b. Gratulantur a divino
Visitari peregrino
Brito, Saxo, Gallia.

3 a. Summa docet, calcat ima
Neque rude proter elyma
Rudis est in gratia;

3 b. Morbos prece sanat cunctos,
Vitae reddit vita functos,
Effugat daemonia.

4 a. Sicut virus fontem vivum,
Sic vinosum fecit rivum
Posthumo miraculo.

4 b. Hunc honorat fulgor trinus,
Cum ad caeli migrat sinus
Carnis ex ergastulo.

5 a. Tauros domat se ferentes,
Per septennes innocentes
Se Peronae tribuit.

5 b. Huius precum dulci lyra
Mansuescat vindex ira,
Quam grex peccans meruit.