143. De sancto Gabriele.

1 a. Gabrieli, nuntio
Regis caeli, contio

Sit haec laeti carminis ;

1 b. Confert mundo gaudium,
Dum fert Dei filium

Fructum ventris virginis.

2 a. Servitutis terminum
Dat salutis hominum
Zelator carissimus.

2b..........

3 a. Quanta sit auctoritas
Eius, taciturnitas
Zachariae perhibet.

3 b. Mariae credulitas
Prudens et humilitas
Deum nobis exhibet.

4 a. Ioseph iustum docuit,
Quod et iustum tenuit
Eius ventrem spiritus.

4 b. Christum natum nuntiat,
Ipsum mox associat
Caelestis exercitus.

5 a. Per hunc auge merita,
Iesu, nostra debita
Dimitte piissime,

5 b. Et post hanc miseriam
Da cum Christo gloriam,
Regum rex altissime.