146. De sancto Georgio.

1 a. Georgius veneretur
Et a cunctis imitetur ;
Sic se quisque deserat,

1 b. Quemadmodum terra culta
Sentes arcet et virgulta,
Ut fructus plus afferat.

2 a. Hic, Cappadox origine,
Christi nati de virgine
Secutus vestigia.

2 b. Victor miles pro puella
Contra draconem duella
Fecit et prodigia.

3 a. Rex stupens miraculo,
Regina cum populo
Et ipsa filia

8 b. Baptizantur concitus,
Una die penitus
Viginti milia.

4 a. Tandem iussu Daciani
Occisi sunt christiani
Adeo, ut fortior

4 b. Sub tormentis palpitaret
Et nomen Christi negaret
Fide quis infirmior.

5 a. At Georgius haec videns,
Zelo ductus, Christo fidens,
Sanctis dans solacium

5b. Voce libera clamavit:
"Dominus cuncta creavit,
Daemones di gentium.

6 a. Ad haec tyrannus exarsit
Et fidelium retorsit
Poenas in Georgium.

6 b. Eculeo distenditur,
Ungulis caro finditur,
Rimae patent ossium.

7 a. Cultra rotis inseruntur,
Plumbum et pix dissolvuntur
Sartagine.

7 b. Pyr de caelo rotas ussit,
Ut ros plumbi vis defecit
Certamine.

8 a. Tunc martyr caeso capite
De tyranno praecipite
Triumphavit.

8 b. Nunc regnans pro nobis vitae
Regem roget sollicite,
Quem amavit.