147. De sancto Georgio.

1 a. Gaude miles, martyr gaude,
Cum sis dignus omni laude,
Tu defende nos a fraude
Satanae multiplici.

1 b. Ergo regem fac placatum'',
''Christum, de Maria natum
Et a patre procreatum,
Corde peto supplici.

2 a. Ora patrem salvatoris

Tu pro nobis multis horis,
Ut et nos in caeli choris
Ducat cum solacio.

2 b. Rex adesto supplicatus,
Per te noster advocatus
Nostros deleat reatus
Nobis dato spatio.

3 a. In hac vita nos emenda,
Ne nos hora tunc tremenda
Laedat, tua sed complenda
Nobis sit suffragium.

3 b. Ut pro nobis esse velis
Pugil tandem, quo in caelis
Nos loccmur, ne crudelis
Ducat ad praestigium.

4. Sancte miles, martyr fortis,
Duc nos de gehennae portis,
Ne consortes simus mortis
Nosque cruciatibus.