152. De s. Helena Trecensi.

1. Iucundare mente tota,
Trecassina plebs devota,
Speciali gloria.

2 a. In Helena verbigena
Collaudatur et cantetur
Hymnus cum melodia ;

2 b. Dum in sanctis laus fit Deo,
Et sanctis honor in eo,
Dulcis est symphonia.

3 a. In hac omnes Christum laudent
Et per ipsam sibi plaudent
Vitae dari munera.

3 b. Dicant omnes et dicant
singuli:
Ave, salus Trecensis populi,
Virgo salutifera.

4 a. O quam felix, quam praeclara
Haec est virgo Deo cara,

Regis orta sanguine!
Agyelis filia,
Nata de Gratulia,
Vixit sine crimine.

4 b. Porphyrio praesignata,
Nata nondum est adfata

Testante Gratulia;
Templum dixit consecrari
Mariae bis, licet fari

Negaret infantia.

5 a. Huic annulus destinatur,
Per quem sibi conservatur
Virginis religio ;

5 b. Muscis eius os purgatur,
Et huic aestus temperatur
Turturis officio.

6 a. Ignis nunquam minoravit,
In baptismo quae gestavit
Virgo, luminaria.

6 b. Hanc signavit dextra vitae,
Ut testantur eremitae,
Qui viderunt talia.

7 a. Vas habuit et contentum,
Quae mutantur in argentum,
Pauper muliercula.

7 b. Argyria doluit

Hoc ideo, quod fuit
Scutella tam parvula.

8 a. Virgo nimbos impetravit,
Quos habere peroravit
Diu sicca regio;

8 b. Cunas eius non rigavit
Gutta, Deum plebs laudavit
Una cum Evagrio.

9 a. Ramum palma flexit alma,
Virgo scidit fructum, vidit
Plebs haec mirabilia.

9 b. Paravisti, sponsa Christi,
Tuo patri atque matri
Gaudia perennia.

10 a. A maxilla paternali
Dolor fugit filiali
Vitta, mala grana mali
Sanaverunt omnia,

10 b. In transitu gloriosae

Huius sanctae speciosae
De nubibus palam rosae
Pluerunt et lilia.

11a. Urbs laetare Trecassina
De tam summa medicina,
Quam custodis, ut divina
Vult propitiatio:

11b. Urbs Trecorum, omni laude
De thesauro tanto gaude,
Eius ortu, vita, plaude,
Naturensis regio.

12 a. Assistentes eius laudi

Te precamur, Deus, audi
Et eius sanctis precibus
Nos a poenis mortalibus
Transfer ad caelestia.

12 b. Nos digneris exaudire

Nec permittas nos perire,
Sed, cum dies erit irae,
Nobis confer et largire
Sempiterna gaudia.