153. De sancto Hermachora.

la. Plebs fidelis Herniachorae
Gratuletur in honore,
De quo Marci successore
Gaudet Aquilegia.

1 b. Huius consors Fortunatus,
Qui est vere fortunatus,
Nam cum illo coronatus
Passione socia.

2 a. Mentem culpa veterem
Reddens fide puberem,
Afflictus in carcerem
Hermacboras mittitur ;

2 b. Qui contemptis omnibus
Poenis et tortoribus
Non minis, non precibus,
Non terrore frangitur.

3 a. Quo precante Dominum
Pro se et pro ceteris
Fulget pater luminum
In occulto carceris.

3 b. Pontianus igitur

Lumen missum caelitus
Videt et efficitur

Templum sancti spiritus.

4 a. Fama lucis nuntiatur,

Caeca lucem contemplatur,
Fide patris liberatur
Puer a daemonio.

4 b. Inde multi baptizati
Manu sancti Fortunati
Dant honorem trinitati,
Credunt Dei filio.

5 a. Quem Sevastus nomine
Seu se vastans crimine
Pro Christi certamine
Vinctum tradit carceri.

5 b. Ibi simul socias

Christo reddunt gratias
Illatas iniurias

Ascribentes muneri.

6 a. Noctu, quorum opere
Diescit religio,
Decollat in carcere
Gentis superstitio.

6 b. Quorum qui capitibus
Serta dat victoriae,
Nos eorum precibus
Configuret gloriae.