154. In sancti Hermelandi.

1 a. Lyrae cordis

Concordet concentus oris,
Alleluia,

1 b. Hermelandi

Quo possit honore pandi
Res miranda.

2 a. Magno natus genere
Maior surgit opere,
Sol de stella:

2 b. Sanctis, quos associat,
Ut stella praeradiat
Semper clara.

3 a. Pastor factus ovium
Curam curat omnium
Pari forma ;

3 b. Caro caret sordibus,

Nec mens mundi fastibus
Fit corrupta.

4 a. Multis signis proditum
Est ipsius meritum
Valle nostra ;

4 b. Mundo mundus aruit,
Uti digne studuit
Carne sumpta.

5 a. Sermo mutis additur,
Gressus claudis redditur,
Neque lampas sinitur
Esse caeca;

5 b. Aucti vini copiam,
Sacri loci gloriam
Sibi iungunt etiam
Haec praedicta.

6 a. Tacere scelera
Nequivit effera
Furtum faciens
gens misera.

6 b. Qui tot das munera,
Duc nos ad supera,
Quem genuit
puerpera.