155. De ss. Hermelando et Baldo.

1 a. Tibi, Christe,

Laetus psallat chorus iste
Alleluia,

1 b. Ut sanctorum

Pandi possit laus istorum,
Res miranda.

2 a. His virtutum radio
Prodit lux a modio,
Sol de stella:

2 b. Casum vitant scelerum,
Luce micant operum
Semper clara.

3 a. Ut vacant a sordibus,
Sic veniant virtutibus
Pari forma,

3 b. Quorum mens nec asperis
Mundi neque prosperis
Fit corrupta.

4 a. Actu, mente pariter
Usi sunt salubriter
Carne sumpta.

4 b. Quae sint horum merita,
Signa monstrant inclita
Valle nostra.

5 a. Laus sanctorum pauditur,
Dum morbus expellitur.
Et frons nondum sinitur
Esse caeca;

5 b. Mors, languor, debilitas,
Membrorum ariditas,
Comitatur sospitas
Haec praedicta.

6 a. Sanctorum munera
Poscit innumera
Sanari volens
gens misera.

6 b. A morte libera,
Cbriste, nos effera,
Virgo quem fudit
puerpera.