15S. De sancto Hieronymo.

1 a. Exaltemus Ieronymi
Merita, quibus Domini
Promeruit gloriam,

1b. Ut vitam atque doctrinam
Eius sequentes divinam
Mereamur gratiam.

2 a. Hic imbutus artibus
Plene liberalibus
Legem Dei studuit;

2 b. Qui cum summo studio
Et labore nimio
Bibliam composuit.

3 a. Hic aliquando vexatus
Carnis stimulo conatus
Est hunc penitus frangere

3 b, Ieiuniis ac lacrimis
Atque poenis acerrimis
Se satagens adfligere.

4 a. Verumtamen huic Platonis
Libros atque Ciceronis
Magis placebat legere.

4 b. Quare gravi febre tactus,
Sursum ad tribunal tractus
Tunc coactus est dicere,

5 a. Cuias esset ; qui respondit:
" Christianus : iudex dixit:
"Immo Ciceronianus ;

5 b. Et, quoniam es mentitus,
Nullatenus impunitus
Effugies meas manus.

6a. Tunc iussit hunc flagellari,
Qui adiurans detestari
Coepit libros gentilium ;

6 b. Et sic correctum dimisit
Et hunc redire permisit
Precibus assistentium.

7 a. Hic presbyter cardinalis
Honore sedis papalis
Dignus fuit reputatus,

7 b. Sed quorundam malitia,

Quorum damnabat vitia,

Fuit ab urbe fugatus.

8 a. Qui mira paenitentia
Confectus et inedia

Per quattuor annos fuit.

8 b. Demum Bethlehem veniens

Et in Christo ob dormiens

Scandere caelum meruit.

9 a. Cuius meritis iuvari
Deposcimus et purgari
A peccatis omnibus,

9 b. Ut post huius vitae cursum
Mereamur addi sursum
Caelicis agminibus.