160. In Translatione s. Hieronymi.

1 a. Gaude, mater ecclesia,
Recolens cum gaudio
Ieronymi magnalia ;

1 b. Nam translatus hodie,
Fultus dono gratiae
Egit mirabilia.

2 a. Cyrillus episcopus,
Caelesti flatu ductus,
Solum coepit fodere ;

2 b. Tunc corpus sacratissimi
Visum est Ieronjmi

Terram nusquam tangere.

3 a. De sepulcro levatur,
In altari locatur
Populis cernentibus ;

3 b. Adest odor suavis,
Cui nunquam aequalis
Patuit hominibus.

4 a. Patent beneficia
Mira Dei gratia
Bethlehem civitati,

4 b. Nam sedecim privati
Oculorum lumine
Redduntur sanitati.

5 a. Hinc tres daemoniaci,
Vinclis dura ligati,
Assunt in ecclesia;

5 b. Mox quidem liberantur
A daemonum nexibus
Ob sancti praeconia.

6 a. Puer matris unicus

Tunc per turbam oppressus
Matre amare flente

6 b. Sancti tumbam attigit,
Vitae venam recipit
Plebe conspiciente.

7 a. Hinc puer triduanus
Terraeque commendatus
Per patrem apportatur,

7 b. Qui prece Jeronymi,
Doctoris sanctissimi,
Illico suscitatur.

8 a. In ara exaltatus,

Per noctem demum datus
Tumbae suae pristinae,

8 b. Terrae, matri omnium,
Commendans corpusculum,
Sic promissum caelice.

9 a. Hinc, Jeronyme pie,
Vota nostra respice
Et nos Deo commenda,

9 b. Et peccantes eripe,
Salva vasa gratiae,
Protege et emenda.

10 a. Ave, pater gloriose,
Casti odor lilii,
Ave, mirthus odorosa,
Summi spes solacii.

10 b. In praecinctu viae stamus,
Lapsis manum porrige,
Tua prece, ne cadamus,
Gressus nostros dirige.