162. De sancto Huberto.

la. Regem regum invocemus,
Vita, voce praedicemus
Ipsius clementiam ;

1 b. Vita vocem imitetur,
Ut laus nostra decoretur
Per eius potentiam.

2 a. Adest dies, qua Hubertus,
Praesul almus, est insertus
Caelesti palatio ;

2 b. Universis praedicanda,
Ecclesiae diligenda
Augetur devotio.

3 a. Praestat fide, miraculis
Divitibus, pauperculis
Multa beneficia.

3 b. Admiretur, veneretur
Et per ipsum collaudetur
Larga Dei gratia.

4 a. Miles, comes palatinus
Romam adit peregrinus,
Caelesti praeconio

4 b. Illic praesul consecratur ;
Divinitus inspiratur,
Fungitur officio.

5 a. Praesul factus plebem rexit,
A Traiecto sed transvexit
Cathedra[m Leodium].

6 b. In se mundum crucifixit
Et in Christo mentem fixit
Carnis calcans vitium.