163. De sancto Hyacintho.

1 a. Salvatorem collaudemus
In Iacinti laudibus,
Ore ei praesenterous,
Corde quod concepimus.

2 a. Mores eius, mores digni,
Mores quoniam sanctissimi,
Innotescant omnibus.

2b. Quantum potest, quantum valet,
Magnas omnis promat laudes,
Tu, Polonia, amplius.

3 a. Laus sit tibi specialis,
Sit sonora, sit mentalis,
Sit iucundus iubilus.

3 b. Toto corde, pleno ore
Virum hunc sanctissimum
Totis lauda viribus,

4 a. Te qui pavit, fovit, movit,
Ad virtutes cunctas tulit
Depulsis erroribus.

4 b. O quam bonum, quam iu-
cundum
Talem fuit tibi virum
Audire, Polonia !

5 a. Nec tu sola meruisti,
Sed et alii plures, pasci
Verbis eius dulcibus.

5 b. Hic Germanis fuit notus,
Hic Polonis, hic Romanis,
Hic vicinis populis.

6 a. Ut Elias suae plebi,

Alter quamvis, suo gregi
Tantum iste profuit,

6 b. Verbo vita, signis, fama
Ad amorem Christi trahens
Sanctis suis moribus.

7 a. Laudes ergo tanto viro,
Laudes demus corde puro
Ac sinceris mentibus.

7 b. Deprecantes genu flexi
Verum Deum miti vultu,
Huius sancti precibus

8. Ut post mortem tuto portu
Nos reducat et conducat
Ad perenne caeli regnum.