172. De sancto Iohanne Baptista.

1. Eia, summe sator,
carmina

2 a. Devotae plebis, obsecramus,
in supernorum tabula

2 b. Dignare ascribi canora,
tibi palam, clementia,

3 a. Quo resonare
supplicum lingua
dulcem queat harmoniam ;

3 b. Qui miserari

plasma disponens
mirabiliter longaevam

4 a. Sterilitatem
prole beatam
fecundasti
virtute tua,

4 b. Ut Elisabeth
ovans gigneret
praeconem et
plus quam prophetam

5 a. Qui te venturum ad ima
praedicaret
in Iudaea
per desertum
parando vias.

5 b. Namque Iohannes Baptista
praecursor et
plus quam propheta
vocatus est
ab astricola.

6 a. Is agnum Dei
Iesum monstravit,
quem (mundum) Iordanis
baptizavit unda.

6 b. Legis mandata
implens omnia
caelebs mansit
in parcimonia.

7 a. Unde ab

Herode constanter
sic amputari
non metuit
verticem, ut ad inferna

7 b. Proferret

Christum venisse in

carne Deum, quem

[suppliciter]

mente rogemus intima

8 a. Et voce petamus sedula,
ut nobis obnixe faveat,

8 b. Nociva cuncta submoveat
semper profutura implorans,

9. Ut consortes ipsi simus
in aula fruentes Dei
visione per saecula.