167. In sancti Sebastiani.

1. Adest dies percompta summis gaudiis,
Quam decoratam martyrum victoriis
Excipit sancta devota ecclesia,
Ob hoc decenter in laudes altissimi
Hymnum promamus canticis harmonicis.

2. Hic vir illuster meritis ac verbibus
Ab idolorum cultibus nefariis
Plebes convertit divinis oraculis,
Cultores reddit fidei catholicas
Et amatores fervidos martyrii.

3. Prompto carorum fratrum nutantem animum
Affatu fumat salubri oramine,
Parentum quoque, coniugumque subolum
Atque carorum infidelem animum
Fidei sanctae mancipavit cultui.

4. Hinc principantem plebibus Chromatium,
Nicostratum vel Claudium vel Castulum
Nec non et Zoe, simul et Castorium
Athletas fecit Christi, Dei filii,
Quod incunctanter perferrent martyrium.

5. Qui innovati salutari lavacro

Signis coruscant, virtutibus emicant,

Nam quendam lapsum quassatis iam membribus

Restaurat orans ilico Tiburtius,

Quem cum parentes Christo munus obtulit.

6. Hinc vir illuster merito Chromatius

Spreto profano cultu idolatriae

Adhaerens castae disciplinae fidei

Nexus dissolvit famulorum libere,

Mancipans Christo, quos iure possideret.
7. Mos se devotum exhibens altissimo

Reliquit cuncta mundi transitoria,

Adhaesit mente divinis obsequiis,

Studet implere indita oracula,

Forum spernit et secretum appetit.
8. Huic caterva adhaerot credentium

Perferre pondus nequiens martyrii,

Cum quibus idem in Campano litore

Coenobialem vitam gerit digniter,

Deo se simul cuncti mactant hostium.
9. Romuleorum principes sacrilegi

Ad haec commoti gravius desaeviunt

Et exarsere furoreque rabido

In persequendo Christi testes fidei,

Libamen quoque diis nollent exhibi.
10. Tunc papa urbis convocato agmine

Catholicorum secum remanentium

Quosdam ex illis consecrat presbyteros,

Quosdam honorat decore levitico,

Ceteros omnes fecit subdiacones.

11. Sebastiani auctoris studio

Omnium horum armata confessio
Ad passionem prosilit intrepida,
Nam Zoe victrix prima vicit dimicans,
Hinc Tranquillinus triumphat felicius.

12. Deinde simul Claudius, Nicostratus,
Castor Victorque una cum Sempronio
Sacra quaerentes corpora per litora
Subito capti ab insidiantibus
Salo immersi pro Christo immersi sunt.

13. Post hoc beati proeliantes pulchrius
Castulus sanctus nec non et Tiburtius
Superant ignes tortorumque verbera,
Ense prostrati migrant ad caelestia
Regno asciti cum turba angelica.

14. Igitur tenti exhinc nobilissimi
Gemini fratres sed uni vocabulo
Figuntur ligno ferreis aculeis,
Stimulantur planta pedum clavibus,
Fatentes Christum lancea transfossi sunt.

15. His universis laureatis sanguine
Rutilum sidus lucernaque fulgida
Diu latere nullatenus potuit,
Sebastiani inclita praesentia,
Orator imique cunctis fuit strenuus.

16. Hic callidorum conventus insidiis
Regi oblatus exstat imperterritus
Et sciscitatur, numina cur temncret?
Christum incunctanter laudando confessus est
Esse cum patre Deum sempiternier.

17. Huius ad vocem furens iudex impius
Iubet in campo hunc sagittis insui,
Quod genus poenae huic ad exitium
Putans prodesse, sibi ad vindiciam,
Amens relinquit ipsum velut mortuum.

18. Nullo beatus dolore conteritur,
Cum amaretur divinis virtutibus,
Sed convalescens iam virtute praeditus
Persecutorem obviat modestius,
Proponens morem Christiani dogmatis.

19. Immanis ille denuo desaeviens

Flagris concidi Dei sanctum imperat
Indesinenter, usque dum deficeret;
Sed mox ut ipsam perferret sententiam,
Spiritum efflat ad patriam caelicam.

20. Astate, Dei gloriosi martyres,
Astate, Christi milites fortissimi,
Ferte favorem verbis obsequentibus,
Patrocinate vobis diligentibus
Et sufiragate Christiano coetui.

21. En, coetus omnis atque sacerdotium,
En, aetas omnis, sexus vel condicio
Vestris congaudent hodie victoriis,
Praebete cunctis congrua remedia,
Ut quaeque vestris competant iam meritis.

22. Qui postulata conferendo plebibus
Et munimenta Christo servientibus
Omnibus sitis perenne solacium
Ad reserandum paradisi aditum,
Qui huius festi veneramur gaudium.

23. Praesta, oramus, trinitas indifferens,
Desiderata tibi confitentibus,
Qui solus nomen deitatis obtines,
Pater cum filio atque sancto spiritu
In trinitate regnans in perpetuum.