173. In Dccollatione s. Iohannis Baptistae.

1 a. Celebretur dies ista,

Qua praecursor et baptista
Triumphat martyrio.

1 b. Nobis via fit virtutis,
Via vitae, spes salutis
Eius decollatio.

2 a. Hunc emissa vox de caelis,
Hunc insigne Gabrielis
Cecinit praeconium ;

2 b. Et, qui missus est Mariae,
Sacerdoti Zachariae
Tulit idem nuntium.

3 a. Patrem sensit non sensatus,
Creatorem nondum natus
Et adludens puero,

3 b. Qui sentire se nequibat,
Solem clausum iam sentibat,
Virginis in utero.

4 a. Natus puer, iuris norma,
Legum sator, vitae forma,
Patri vocem reddidit.

4 b. Hic de Deo prophetavit,
Cui viam praeparavit
Nascenti de virgine,

5 a. Non promissa Dei crediderat,
Unde vocis usum perdiderat,
Quia tarde credidit.

5 b. Cognitus in populis
Floruit miraculis

Et virtutum germine.

6 a. Iubar novum fulsit mundo,
Cum de ventre non fecundo
Prodiit fecunditas.

6 b. Gratulatur gens remota,
Nec eius [est] minus nota
Quam Christi nativitas.

7 a. Mundi mundus fugit curam,
Vitam purus duxit puram
Mundus omni crimine,

7 b. Mundo timens inquinari,
Ne vel vita maculari
Levi posset famine.

8 a. Hic desertum praeelegit,
Ibi vitam solus egit
Et se fecit minimum ;

8 b. De quo constat esse veram
Inter natos mulierum
Hunc fuisse maximum.

9 a. Qui a mundo se mundavit,
Regem mundi mundus lavit
In Iordanis flumine,

9 b. Nec pro Christo renuit,
Tingere quem meruit,
Suo tingi sanguine.

10 a. Gentes eum esse Deum

Crediderunt, quem viderunt
Esse mundi lampadem.

10 b. Quem tyrannus ille magnus
Contemnebat, sed timebat
Propter Herodiadem.

11a. Sanctitatis homo mirae
Regi nolens consentire
Corrigebat, quem redire
Voluit a scelere.

11b. Inde locus fuit irae,
Regem fecit obsaevire;
Sanctum sprevit et perire
Maluit, quam credere.

12 a. Quadam die cultor mali
Suo gaudet in natali ;
Dum natale celebratur,
Praecursoris caput datur
Saltatrici praemium.

12 b. Veritatis praeco bonus,

Quem suscepit Dei thronus,
Mortem subit pretiosam,
Decollatur, et in rosam
Commutatur Ulium.

13. Praeco bone, praeco Christi,
Quem secutus praecessisti,
Tu pro nobis intercedas
Et venire nos concedas
Ad perenne gaudium.