178. De s. Iohanne ante Portam Latinam.

1 a. Iohannis Evangelistae
Laudando praeconia

1 b. Expendatur dies iste
In eius memoria.

2 a. Licet per martyrium
ipse non occubuit,

2 b. Tamen multiplicia

tormenta sustinuit.

3a. Hic primo in oleo
missus est fervente,

3 b. Quod ei non nocuit
Deo protegente.

4 a. Post in Pathmos insula
misso in exsilio

4 b. Caelestium facta est
ei revelatio,

5 a. Quam scripsit Thiatirae,
Smirnae, Philadelpbiae,

5 b. Epheso et Pergamo,
Sardis, Laodiciae.

6a. Per hoc cunctis intimans
praelatis ecclesiae,

6 b. Quod resumant opera
purae innocentiae

7 a. Et commissa defleant
crimina cottidie,

7 b. Ut assequi gratiam
mereantur veniae,

8. Quam benigne conferat
rex misericordiae.