180. De s. Iohanne Gualberto.

1 a. Sperne labem mundialem
In instante penitus,

Sume formam filialem
Te mundantem funditus ;

Ignis, aether, aqua, solum
Se iam flectunt caelitus.

1b. Circumcisus sic effectus
Sperne te solidius,

Cerne crucem terrae flexus,
Nihil est humilius,

Huius formae iam exemplar
Vide, si sublimius.

2 a. Pavimentum sic constratum
Percurratur moribus,

Et amoris condimentum
Perfundatur omnibus,

Qui Iohaunis in exemplum
Rubus est in ignibus.

2 b. Hic coegit creatorem
Creaturam effici ;
Deitatis dat dulcorem

Atque mentem refici,
Sperne indignum amorem,
Si vis divo profici.

3 a. Tuis, pater, sic assiste
Filiis precantibus,
Ut locetur chorus iste
Sanctis in caelestibus.

3 b. Nec tuere nos desiste
Sub te militantibus,
Da,utregnentperte, Christe,
Sanctorum splendoribus.