184. De ss. Iustina et Cypriano.

1. Laetentur viscera
hodie nostra,

2 a. Fulcita gloria

tantae sollemnitatis.

2 b. Virginis Iustinae

[h]ortante certamine.

3 a. Quam cnnctipotens rex
ita suo
adnexuit lateri,

3 b. Ut terreno spreto
Christi sese
adderet consortio.

4 a. Thesaurum in fundo
haec nata
reconditum exemit,

4 b. Spiritus gladio
resecans
vitia nutantia.

5 a. Cuius pater meritis
Christi meruit
visitatu perfrui ;

5 b. Cuius hostis meritis
Christi meruit
effici pedissequus.

6 a. O virgo Iustina
gloriosa,

quam dam cupit
magus capere,
victo hoste
ac demum docente
Christi vires captus est.

6 b. O victrix, in caelo
quam triumphat I
Nam, quem primum
habuit aemulum,
post meruit
patrem et socium in
passione inclita.

7 a. Nunc laureati pariter
hoste devicto
taeterrimo
per ensem
sunt adepti palmam.

7 b. Nunc in caelorum sedibus
locati cum
caelicolis
fruuntur
emerita gloria.

8 a. Iam superno repleti manna
ac immortali stola
praecincti,
servulorum preces
deferte ad Dei
patris dextram
Christo sedenti
ante saecla.

8b. Ut omnes vestrae paternitatis
prece atque rogatu
adiuti

delictis exui
mereamur cunctis
apud illum,
qui caret omni
delicto.

9 a. O digna Dei potestas,
quae es sanctorum sola
perpetis triumphus,

9 b. Nos guberna per saecla,
ut iugia digni
capiamus praemia

10 a. Atque laeti
angelorum
iungamur collegio,

10 b. Cum quibus
in caelorum
maneamus aula,

11. In qua Christus regnat
solus cuncta per saecula.