186. In Translatione s. Iustinae.

1 a. Insigne praeconium
Vox resultet omnium
In Iustinae laudibus,

1 b. Cuius nunc, Placentia,
Ditaris praesentia,

Membris et virtutibus.

2 a. Sigefredo condonata

Huc a Roma sunt delata
Sub obtentu gloriae

2 b. Huius membra gloriosae,
Tam insignis, tam formosae,
Feliciter hodie.

3 a. Haec est illa corde sano
Virgo iuncta Cypriano
Sodalis in funere,

3 b. Quam tunc magus et proter-
vus,
Daemonum ut erat servus,
Nisus est corrumpere.

4 a. Magus daemonem destinat,
Virgo crucis bravium,
Nam delusus sic festinat
Ad salutis gaudium.

4 b. Virgo fide roboratur,
Virtutibus emicat,
Magus pavet et miratur,
Daemon Christum prae-
dicat.

5 a. Fit ex mago Cyprianus,
Ex gentili christianus
Et defensor fidei.

5 b. Virgo Christo consecratur,
Mater virginum creatur,
Pudoris flos nivei.

6a. Sed quid multa referam?
Numquid egit perperam
Currendo certamina,

6 b. Tortores et vincula,
Liquores et spicula,
Carceris discrimina?

7 a. Paralytici nam duo
Destituti posse suo,

Fluxum passa sanguinis,

7 b. Surda, caecus et obsessa,
Cunctis salus est concessa
Almae nutu virginis.

8 a. Ad sepulchrum

tendentes virginis
Tari fluctus

terruit fluminis,
Tandem huius
precatu numinis
Portus praeparatur.

8 b. Sic in Pado

dimersus flumine
Manum sensit

cuiusdam feminae,
Qua deductus
tanto discrimine
Sociis donatur.

9 a. In hac ergo iucundemur
Et excelsum deprecemur,
Cui sit laus, gloria,

9 b. Ut hac nobis sit misertus,
Qui pro nobis est expertus
Dira mortis taedia.