187. De s. Iusto Lugdnnensi.

1 a. Lauda Iustum confessorem,

Tutum, fidum protectorem,

Lugdunensis civitas ;

1b. Necnon omnis ecclesia

Iusti promat magnalia,

Quem attolit sanctitas.

2 a. Generosus a proavis,

Pater comes Andegavis

Iusti fuit praesulis.

2 b. Genus suum non obfuscat

Eius vita, sed coruscat

Moribus et titulis.

3 a. Alter Christus baptismate

Demonstratur a pneumate

Sub columbae formula.

3 b. Ab hoc infans illustratus,

A quo fuit generatus,

Lingua profert parvula.

4 a. O novitas praemaxima!

Natus infans die prima

Patrem suum indicat:

4 b. "Andegavis comes pater

Meus est, et uxor mater Populo notificat.

5 a. Praepositus hinc crematur,

Mater casta liberatur

Ab ignis incendio j

5b. Haec immunis, hic combu-

stus,

Inde fuit dictus Iustus

A iusto iudicio.

6 a. Viennensis diaconus,

Lugdunensis hic patronus

Invictus efficitur.

6 b. Diu rexit ecclesiam,

Sed tandem per invidiam

Daemonis expellitur:

7 a. Homo quidam insaniens

Quamplures interficiens,

Dum sensum recuperat,

7 b. Templi petit refugium ;

Templo furens incendium

Plebs inferre properat.

8 a. Astans ibi Primor quidam

Reddi petit homicidam

A mortis periculo.

8 b. Credens Iustus reddit reum,

Plebs furensque traxit eum

Suspendens patibulo.

9 a. Alios absolvens sibi

Crimen istud vult ascribi,

Sed non suum facinus.

9 b. Apud Mem phim hinc exsulat,

Suam crucem hic baiulat,

Ut praedixit Dominus.

10 a. Ecce, Iustus exsul factus,

Aliena culpa tactus,

Sponte sua, non coactus,

Cathedram deseruit.

10 b. Eius frequens imitator,

Fidelis comes, Viator,

Itineris consolator

Exsuli non abfuit.

11 a. Tunc verus Israelita

Factus firmus eremita

Cum fratribus se dat ita

Ut servus humillimus.

11b. Licet absens esset, tamen

Dat civibus hic iuvamen

Assiduum per precamen

Ut pastor fidissimus.

12 a. Antiochum venientem,

In Aegyptum se sequentem

Praenuntiat, quia mentem

Sanctus replet spiritus.

12 b. Viatori morte tristi

Sic condolet: "Ut fuisti

Vitae comes, dono Christi

Sic eris et exitus.

13 a. Clerus, cives quaeruntIustum,

Ad locum solibus ustum

Deferentes, inde bustum

Locum donant non iniustum

Urbe sua nobili.

13 b. Iuste, praesul reverende,

Precantibus condescende,

Nos exaudi, nos attende

Et a malo nos defende

Precatu placabili.